Norggas šaddadit njálaid gárddiin nannet áittavuollásaš njála náli. Dál Norggas luite 12 njála Suoma rájá lahkasii. Buot davvi njálaid ja maiddái dál luitojuvvon njálaid ceavzima dorjot lassebiebmamiin Norgga, Suoma ja Ruoŧa duoddariin. Meahciráđđehusa Luonddubálvalusat lasiha ovttas WWF Suomain njálaide biebmanautomáhtaid Suomasge.
Norga luittii 12 njála lahka Suoma rájá Giehtaruohttasa lahkasii. Luitojuvvon njálat leat šaddan mannan jagi Norggas Oppdalis lean gárddis. Luitojuvvon njálaid lea mihttomearri oažžut besset nannosut davit ja máttit njállapopulašuvnnaid gaskkas lean guvlui.
Luitojuvvon njálaid ceavzin dorjojuvvo lassebiebmamiin. Suoma, Ruoŧa ja Norgga duoddariin leat sulaid 250 biebmanautomáhta, main njálaide lea fállojuvvon beatnaga biebmu. Njálat eai dovdda riikkarájáid, nuba Suomasge lasihit biebmanautomáhtaid meari eandalii Giehtaruohttasa meahcceguovllus Norgga rájá lahkasii vai sáhttit veahkehit luitojuvvon njálaid.
Automáhtaid galgá diktit orrut ráfis
Automáhtaid oktavuođas lean fuođđokámeraid vehkiin oažžut dehálaš dieđu njálaid ja daid gilvaleaddjišlájaid lihkadeamis. Biebmanbáikkiid birrasis maiddái čogget čájánasaid njálaid DNA-analysa várás.
Sávvat buohkaid garvit biebmanautomáhtaid doarvái guhkkin, amas eai hiras eallit álgge garvit daid. Automáhtat leat earáláganat – alit plasttetfárpalat ja čáhcevaneras dahkkojuvvon rusttegat.
Ovttasbarggus fápmu njálaid suodjaleapmái
Meahciráđđehusa Luonddubálvalusat lea doaimmahan Suoma duoddariidda ovttas WWF Suomain biebmanautomáhtaid jo máŋggaid jagiid. Maiddái davviriikalaš ovttasbargu oktasaš njállanáli suodjaleapmin leamašan lávga, ja dat lea dorjojuvvon ovdamearkan Felles Fellrev Nord interreg -fidnuiguin.
Ovttasbargguin čuovvunvuogádagat ja raporteren leat dahkon oktilažžan ja dieđuid lonohallan njálaid lihkadeamis lea njuovžil.
Árabut njálaid leat luoitán Gaska-Norgii jagi 2018 ja Várjjagii jagi 2020. Davviriikkaid njállamearrin árvvoštallet sulaid 350 njála. Suoma maŋimuš sihkkaraston njála bessen lea gávnnahuvvon jagi 1996, ja otnábeaivve Suomas lihkadit jahkásaččat sulaid 5-10 njála.
Lassedieđut
Meahciráđđehus, Luonddubálvalusat, alladárkkisteaddji Tuomo Ollila, telefon 0400 241448, tuomo.ollila@metsa.fi
- Njála suodjaleapmi ja Meahciráđđehus (suomagillii)
- Felles Fjellrev -fidnu (fellesfjellrev.se) (dárogillii)