Suodjalanguovlluid dikšun ja geavaheapmi

Luonddusuodjalanguovllu diškun oaivvilda buot doaimma, maid guovllu dikšumis ja hálddašeamis vástidan bealli dahká suodjalanguovllus dahje dan olggobealde suodjalanguovllu mihttomeriid ollašuhttima ovdii. Meahciráđđehusa Luonddubálvalusat dikšu buot stáhta suodjalanguovlluid ja maiddái daid priváhta eanaoamasteaddjiid eatnamiin lean suodjalanguovlluid, maid dikšumis lea sohppojuvvon eanaomasteaddjiin.

Stáhtaeatnamiin dikšumii gullet lundui čuohcán aitosaš dikšundoaimmaid lassin ee. vánddardanráhkadusaid huksen ja fuolaheapmi, oahpistandoaibma ja oahpistanmateriála buvttadeapmi, geavaheami stivren ja bearráigeahčču. Maiddái čielggadusat, mat leat vuođđun suodjalanguovllu dikšuma ja geavaheami plánemii, leat oassi oppalašvuođas.

Meahciráđđehusa Luonddubálvalusat čuovvu doaimmastis rávvaga “Suodjalanguovlluid dikšuma ja geavaheami prinsihpat”. Ráva meroštallá luonddusuodjalanguovlotiippaid, daid suodjalanmihttomeriid sihke daid dikšumis ja ávkkástallamis čuvvojuvvon almmolaš prinsihpaid.

Lassidieđut