Stáhta vánddardanguovllut Natura-guovlun

Suomas leat vihtta olgolihkadanlágain vuođđuduvvon stáhta vánddardanguovllu: Evo, Iso-Syöte, Kylmäluoma, Oulujärvi ja Ruunaa vánddardanguovllut. Dat leat Meahciráđđehusa hálddašeami vuolde.

Stáhta vánddardanguovllut leat máŋggabealat, vánddardeapmái ja eará luonddu áhpásmuhttinatnui oaivvilduvvon čuozáhagaid, maid viidodat lea oktiibuot sulaid 242 km². Vánddardanguovlluin leat merkejuvvon vázzin- ja čuoiganmáđijat, luonddubálgát, tealtágohttenguovllut ja lávut. Lagašguovllu fitnodatdoallit fállet luondduturismii laktásan bálvalusaid guovllus ja daid birrasis.

Stáhta vánddardanguovlluin hárjehit maiddái vuovdedoalu, mas váldojit vuhtii luondduárvvut ja áhpásmuhttinanu dárbbut. Vánddardanguovlluin sáhttá dábálaččat guolástit ja meahcástit. Stáhta vánddardanguovllut gullet maiddái Natura 2000 -fierpmádahkii, vaikke dat eai leat luonddusuodjalanguovllut.

Poláragierdu ja Anára vánddardanguovllut leat Meahciráđđehusa vuođđudan, bálvalusaid dáfus ovdalis máinnašuvvon čuozáhagat.

Lassidieđut