Suodjalanguovlluid dikšuma ja ávkkástallama plánen
Luondduriggodatplánen dahkkojuvvo dárkilabbon dahkamin dikšun- ja geavahanplánaid priváhtta sierraguovlluide, dego álbmotmehciide, vánddardanguovlluide ja Natura-guovlluide. Dát 10 – 15 jagi áigebadjái ollán plánat dahkkojuvvojit go láhkaásaheapmi dan gáibida, muhto maiddái dalle go lea dárbu.
Dikšun- ja geavahanplánaid vehkiin heivehit oktii luonddusuodjaleami, áhpasmuhttingeavaheami ja eará geavaheami ulbmiliid. Dat dahkkojuvvojit maiddái ovttas čanusjoavkkuiguin.
Plánain analyserejuvvo vuođđodieđuid vuođul
- guovllu dáláš dilli
- dehálamos árvvut
- boahttevaš ovdáneapmi ja uhkideaddji dahkkit
- dikšuma ja geavaheami ulbmilat
Plánas árvvoštallet maiddái ollašuhttima gáibidan resurssaid ja birasváikkuhusaid. Plánaid gárvvisteamis vástida Meahciráđđehusa Luonddubálvalusat.
Váikkut suodjalanguovlluid plánemii
Oppa plánenproseassa áigge čanusjoavkkuin ja stáhtaborgáriin lea vejolašvuohta váikkuhit plánii.
Máhcahaga sáhttá sáddet plánejeaddjái šleađgapoastta bokte dahje reivviin. Oktavuođadieđut ja dárkilut rávvagat gávdnojit guđege plána buohta.
Máhcahagaid ja cealkámušaid dagahan nuppástusaid gieđahallet, plána loahppagieđahallojuvvo ja sáddejuvvo Meahciráđđehusa dohkkeheapmái ja dárbbu mielde nannemii birasministeriijai. Nannemavuloš plánaevttohusaid sáhttá maiddái oaidnit neahttasiidduin.