Hálddahus ja jođiheapmi

Meahciráđđehus lea stáhta fidnolágádus, man jahkásaš mihttomearit dohkkehuvvojit riikkabeivviin oassin stáhta bušeahtas. Meahciráđđehusa boađusstivremis vástida eana- ja meahccedoalloministeriija. Almmolaš hálddahusdoaimmaid stivre maiddái birasministeriija iežas hálddahussuorggi áššiin.

Meahciráđđehus lea vuođđolága 84 §:a 4 momeanttas oaivvilduvvon fidnolágádus. Meahciráđđehusa doaimma guoskevaš láhkadási heivehallan gullá sisa Meahciráđđehusas addojuvvon láhkii ja láhkii stáhta vuovdedoallooasussearvvis. Meahciráđđehussii ii heivehuvvon jagi 2010 oppalaš láhka stáhta fidnolágádusain. 

Meahciráđđehus doaibmá eana- ja meahccedoalloministeriija stivremis ja dan hálddašeami suorggis. Birasministeriija stivre Meahciráđđehusa almmolaš hálddašandoaimmaid dáfus iežas doaibmasuorggistis. 

Buorre hálddašanvuohki

Hálddašankoda dahjege Corporate Governance govvádusa mihttomearrin lea rabasvuođa, čađačuovgivuođa ja ođđa hálddašanvuogi ovddideapmi vugiin, mii doarju Meahciráđđehusa gilvvohallannávcca ja menestumi, ja ovttasbarggu eará čanusjoavkkuiguin. 

Meahciráđđehusa buorre hálddašanvuohki (pdf) (suomagillii)

Riikkabeaivvit dohkkeha stáhta bušeahta gieđahallama oktavuođas Meahciráđđehusa guovddáš bálvalanmihttomearit ja earáid doaibmamihttomeriid almmolaš dásis. Stáhtaráđđi addá dárbbu mielde almmolaš mearrádusaid Meahciráđđehusa doaimmas ja ekonomiijas. Riikkabeivviid mearridettiin stáhta bušeahtas áššáigullevaš ministeriija mearrida dárkileappot Meahciráđđehusa bálvalanmihttomeriin ja eará doaibmamihttomeriin, Meahciráđđehusa boađusmihttomearis ja vuoittumáksinmihttomearis. 

Meahciráđđehusas lea stivra ja beaivválaš jođiheaddji ja sierra almmolaš hálddašandoaimmaid dikšon ovttadat. Meahciráđđehusa bargoortnegiin mearridat Meahciráđđehusa organisašuvdnii gullevaš eará ovttadagain ja doaimmain. Márkanevttolaš fitnodatdoaimma Meahciráđđehus hárjeha eaiggádan nieidafitnodagaid bokte. Meahciráđđehus ja dan nieidafitnodagat leat ovttas Meahciráđđehuskonseardna. Meahciráđđehus doaibmá oktan doaimmalaš oppalašvuohtan. 

Meahciráđđehusa doaimmat

Meahciráđđehusa oppalašdoaibman lea geavahit, dikšut ja suodjalit dan hálddus lean stáhta eana- ja čáhceopmodaga suvdilit. Meahciráđđehusa doaibma galgá buvttadit bohtosa. 

Meahciráđđehus hárjeha doaibmasuorggistis fitnodatdoaimma lágas ásahuvvon ja stáhta bušeahtas aiddostahtton servodatlaš geatnegasvuođaid olis ja dikšun dasa mearriduvvon almmolaš hálddašandoaimmaid. Meahciráđđehus doaibmá fitnodatekonomalaš prinsihpaid ja riikkabeivviid dasa dohkkehan bálvalanmihttomeriid ja eará doaibmamihttomeriid mielde. 

Meahciráđđehusa hálddus lean stáhta eana- ja čáhceopmodat lea stáhta njuolggo oamastusas. Meahciráđđehus doaibmá stáhta eana- ja čáhceguovlluid hálddašeaddjin. Meahciráđđehusa hálddus lean stáhta eana- ja čáhceguovllut dahket oppalašvuođa. Meahciráđđehus ávkkástallá viidát hállanválddi stáhta eana- ja čáhceguovlluid hálddašeaddjin. Buori hálddašeami čuvvon vuođđojurdda lea, ahte Meahciráđđehusa oaivil stáhta eana- ja čáhceguovlluid hálddašeaddjin almmuhuvvo earálágan eanageavaheapmái gullevaš meannudemiin oktan oppalašvuohtan. Stáhta vuovdedoalu hárjehan fitnodagas lea bissovaš geavahanriekti stáhta ekonomiijavuvddiide. 

Servodatlaš geatnegasvuođat meroštallet fitnodatdoaimma 

Meahciráđđehusa fitnodatdoaimma doaibmasuorgin lea dan hálddašeapmái čujuhuvvon eana- ja čáhceopmodaga ekonomalaš ávkkástallan sihke eana- ja čáhceopmodaga hálddašeapmái gullevaš fitnodatdoaimma hárjehan nieida- ja oasusfitnodagaid ossosiid hálddašeapmi. 

Servodatlaš oppalašovdui gullá gánnáhahtti fitnodatdoaimma hárjeheami olis, ahte Meahciráđđehusa hálddašeamis lean guovlluide gullevaš eará servodatlaš dárbbut váldojuvvojit áššáigullevaš vugiin vuhtii. 

Luondduváriid suvdilis dikšuma ja geavaheami deaŧalaš oassin Meahciráđđehus galgá doarvái bures váldit vuhtii biologalaš máŋggahámatvuođa suodjaleami ja vuogálaš lasiheami. Meahciráđđehus galgá lassin váldit vuhtii luonddu áhpásmuhttinanu ja barggolašvuođa ovddideami gáibádusaid. Meahciráđđehusa hálddašeamis lean luondduváriid dikšun, geavaheapmi ja suodjaleapmi galgá heivehuvvot oktii nu, ahte sámekultuvrra hárjeheami eavttut sámiid ruovttuguovllus ja boazodoallolágas oaivvilduvvon boazodoalu gáibádusat boazodoalloguovllus dorvvastuvvojit. 

Almmolaš servodatlaš geatnegasvuođaid dikšun váldojuvvo vuhtii Meahciráđđehusa boađusgáibádusaid ásahettiin. Geavatlaš doaimmas geatnegasvuođat váldojuvvojit vuhtii ee. Meahciráđđehusa iežas doaimma plánemis, mii ollašuhtto viiddis riikkavuloš- ja čanusjoavkogullamii vuođđuduvvan oassálasti luondduváriidplánemiin. Meahciráđđehusa stivra dohkkeha Luondduváriid geavaheami plánaid. 

Meahciráđđehus hárjeha fitnodatdoaimma ovdalis máinnašuvvon lágasásahuvvon servodatlaš geatnegasvuođaid rámaid siste. 

Almmolaš hálddahusdoaimmat

Meahciráđđehus dikšu dasa ásahuvvon almmolaš hálddahusdoaimmaid fitnodatdoaimmas sirrejuvvon almmolaš hálddahusdoaimmaid dikšon ovttadagas (Luonddubálvalusat ja Fuođđobálvalusat). 

Meahciráđđehusa almmolaš hálddašandoaimmain guovddážis leat stáhta luonddusuodjalan-, meahcce- ja vánddardanguovlluid dikšun ja geavaheami stivren, mielde maiddái čáziid ja mearaid suodjaleami sihke kulturbirrasa ja huksenárbbi dikšuma doaimmat, ja Fuođđobálvalusat, maidda gullet meahcástan-, guolástan- ja meahccejohtalusáššit ja fuođđobearráigeahčču. 

Meahciráđđehusa almmolaš hálddašandoaimmat leat ásahuvvon Meahciráđđehuslágas ja sierralágain. Almmolaš hálddašandoaimmaid dikšumis šaddan golut ruhtaduvvojit stáhta bušehttii váldojuvvon mearreruđain ja almmolaš hálddašandoaimmaid dikšumis čoggon ruđaiguin. 

Lassidieđut: