Geaidnogottit

Meahciráđđehusas leat iežas meahccegeainnut s. 36 000 kilomehtera ja daid lassin dat lea osolažžan máŋggas priváhttageainnus.

Meahciráđđehus ovddida geaidnoáššiid guokte guovtti oassebeali bokte; Meahciráđđehus (y-dovddaldat 0116726-7) ja dan vuollefitnodat Meahciráđđehus Vuovdedoallu Os (y-dovddaldat 2752751-5).  Rivttes geaidnoosolačča dieđuid sáhttá dárbbu mielde dárkkistit sáddemin midjiide šleađgapoastta čujuhussii tietopalvelu@metsa.fi. Šleađgapoasttas gánneha muitalit geainnu nama ja giddodatdovddaldaga, gos geaidnu lea. Lassin sáhttá laktit kártaváldosa, mii áiccalmahttá geainnu sajádaga.

Rehkegat 

Geaidnogottiid osolašmávssuid gieđahallama jođálmahttimin mii bivdit geaidnogottiid doaimmahit huksen- ja fuolahusrehkegiid geaidnoáššiin vástideaddji ovttadaga rehketčujuhussii. 

Rehkega bákkolaš dieđut leat: 

  • geainnu namma 
  • giddodatdovddaldat 
  • geaidnoovttadatmearri 
  • geaidnoovttadaga á-haddi 
  • geaidnogotti oktavuođaolmmoš
  • oktavuođadieđut

Nuvttá doaimmaheaddjiportála lea maiddái geaidnogottiid geavaheamis. Mii ávžžuhit geaidnogottiide doaimmaheaddjiportála geavaheami, dasgo portála bokte sáddejuvvon rehket manná njuolga Meahciráđđehusa rehkegiid gieđahallanvuogádahkii. Fuomášehket, ahte báberrehkegat leat dávjá juo maŋŋonan máksinmearrebeaivvi dáfus go jovdet midjiide.

Čoahkkinbovdehusaid ja eará dieđáhusaid doaimmahančujuhus

Meahciráđđehus vuostáiváldá áššegirjjiid vuosttamužžan elektrovnnalaš hámis. Sáhttibehtet sáddet priváhttageaidnogottiid čoahkkinbovdehusaid ja beavdegirjjiid šleađgapoastta bokte čujuhussii kirjaamo@metsa.fi. 

Ášši gieđahallama jođálmahttimin bivdit, ahte máinnašehket dieđáhusas gieldda, gos geaidnu eanaš lea.