Turismabálvalusat suodjalanguovlluin

Meahciráđđehusa Luonddubálvalusat bajásdoallá luonddusuodjalan- ja vánddardanguovlluid vuođđobálvalusaid stáhta eatnamiin ja čáziin. Bálvalusat leat priváhta áššehasaide nuvttá, muhto fitnodagat galget máksit daid geavaheamis jahkásaš geavahanbuhtadusa, mii mearrašuvvá áššehasmearrái.

Ovttasbarggu vuosttamuš ulbmilin lea dáhkidit turismma suvdilisvuođa sihke guovllu luonddu- ja kulturárvvuid seailuma. Oassin ovttasbargosoahpamuša fitnodagat čatnasit doaibmat suvdilis turismma vuođđojurdagiid mielde álo, go doaibman čuohcá Luonddubálvalusaid hálddašan čuozáhagaide. Lassin háhpohallojuvvo sihke ovttasbargofitnodagaid ja suodjalanguovlluid dovddusvuođa ja geasuhusfámolašvuođa  lasiheami. Ovttasbarggu ulbmilin lea maiddái ovddidit buvttagárgema ja gulahallama ja bálvalit oktasaš áššehasaid nu bures go vejolaš.

Soahpamuštiippat ja mávssut

Turismma fitnodatdoaimma hárjeheapmi gáibida álo soahpamuša, go dat čuohcá guovlluide, main leat máđijat, vuoiŋŋastansajit dahje earát vánddardanráhkadusat ja go fitnodaga doaibman dorjjoda dáidda vánddardanráhkadusaide. Luonddubálvalusaid ulbmilin lea ovttasbargosoahpamuša gárvvisteapmi álo, go fitnodat geavaha jeavddalaččat suodjalan-, meahcce- dahje suodjalanprográmmaguovllu doaimmainis dahje muđui profilere doaimmas daidda.

Geavahusas leat guovttelágan ovttasbargosoahpamušat:

  • Ovttasbargosoahpamuš geavahanvuoigatvuođa luobadeami haga (nuvttá)
  • Ovttasbargosoahpamuš, mii sisttisdoallá geavahanvuoigatvuođa luobadeami (mávssuvuollásaš).

Ovttasbargosoahpamuš geavahanvuoigatvuođa luobadeami haga guoská dilálašvuođaid, main fitnodatdoalli ii geavat doaimmainis Meahciráđđehusa bajásdoallan vánddardaninfra  muhto ovdamearkka dihtii muitala áššehasaide Meahciráđđehusa čuozáhagain. Dábálaččat dákkáraš soahpamušat dahkkojuvvojit omd. idjadan- dahje restoráŋŋafitnodatdolliiguin.

Geavahanmáksu 1.1.2024

Ovttasbargosoahpamuša haddi čoahkkana soahpamuša vuođđomávssus olles soahpamušbaji (80 € + álv) ja jahkásaš geavahanmávssuid haddecehkiid mielde. Jus fitnodagas lea jo fámus lean soahpamuš, vuođđomávssu ii dárbbaš máksit ođđasit.

Bálvalanrusttegiid geavahanmáksu lea juhkkojuvvon cehkiide árvvoštallojuvvon jahkásaš áššehasmeari mielde. Máksokategoriijat leat:

  • 0-50 áššehasa/jahki: Geavahanmáksu 60 euro + álv 24 % / jahki
  • 51-200 áššehasa/jahki: Geavahanmáksu 240 euro + álv 24 % / jahki
  • 201-500 áššehasa/jahki: Geavahanmáksu 600 euro + álv 24 % / jahki
  • 501-1000 áššehasa/jahki: Geavahanmáksu 1130 euro + álv 24 % / jahki
  • 1001-2000 áššehasa/jahki: Geavahanmáksu 2260 euro + álv 24 % / jahki
  • 2001-3000 áššehasa/jahki: Geavahanmáksu 3750 euro + álv 24 % / jahki 
  • Badjel 3000 olbmo badjel mannan meriin haddi ráđđádallo sierra.

Jus doaibma lea geardelunddot, ii ovttasbargosoahpamuša leat jierpmálaš gárvvistit.
Dalle fitnodat máksá 75 € + álv sturrosaš mávssu Eräluvat.fi-bálvalussii.

Dáhpáhusaid ordnen ja gohtten Meahciráđđehusa hálddašan eatnamiin

Meahciráđđehusa luonddusuodjalanguovlluide dahje lotnolasgeavahanvuvddiide plánejuvvon dáhpáhusain ja meahcis idjadeamis galgá dahkat almmuhusa Meahciráđđehussii.

Lassedieđut

Turismma oktavuođaolbmot Luonddubálvalusain (suomagillii)

Mátkeealáhusa spesiálaáššedovdi
Merja Männistö: merja.mannisto@metsa.fi

Lustageavaheami spesiálaáššedovdi
Venla Karkola: venla.karkola@metsa.fi

Telefonguovddáš: 0206 39 4000.