Meahcástanlobit

Meahcásteapmái dárbbaša eanaoamasteaddji lobi, man stáhta eatnamiidda vuovdá Meahciráđđehus. Leat vuođđudan lohpeguovlluid smávvafuođđu ja ealggaid meahcásteapmái, ja maiddái stuorraspiriid bivdui lea vejolaš oažžut lobiid. Lobiid sáhttá skáhppot Meahciráđđehusa Eräluvat-bálvalusas. Davvi-Suomas báikkálaš olbmuin lea vuoigatvuohta bivdit nuvttá iežas gielddas stáhta eatnamiin.

Smávvafuođđu sáhttá bivdit badjel 120 smávvafuođđoguovllus eará guovlluin Suomas. Daidda vuovdit smávvafuođđolobiid guovllu mielde vuoncceslottiid, čáhcelottiid ja njoammila, smávvaspiriid ja mádjiha bivdui. Lobiid hattiid nanne eana- ja meahccedoalloministeriija.

Ealgabivdojoavkkut sáhttet ohcat ealgabivdoguovlluid jahkái háválassii. Ohcan dáhpáhuvvá juohke jagi ođđajagimánus. Go bivdojoavku oažžu guovllulobi Meahciráđđehusas, dat galgá vel ohcat bivdolobi Suoma fuođđoguovddážis.

Gumppe, albasa ja geatkki bivdui dárbbašuvvo vuos Suoma Fuođđoguovddáža mieđihan spiehkastatlohpi. Guovžabivddus lohpeordnemat leat gitta das, dáhpáhuvvágo bivdu boazodoalloguovllus.

Luovos stáhta eatnamat leat maiddái láigohuvvon bivdoservviide.

Meahcástanlobiid stuorámusdihtomeriid guđege guvlui meroštallá Meahciráđđehusa fuođđodoallohoavda, guhte addá dihtomearremearrádusa mearrejagiid gaskka.

Fuođđokámera ávkkástallamii stáhta eatnamiin dárbbaša álo Meahciráđđehusa lobi.

Meahcástanlohpesisaboađuid geavaheapmi

Lohpeboađuid geavahat earret eará fuođđodikšumii ja suvdilis meahcásteami plánemii. Smávvafuođđolobis sulaid juohke goalmmát euro investerejuvvo fuođđu eallinbirrasiid buorideapmái.

Sisaboađuiguin leat ovddežiidikšon jekkiid rievssahii, čuotnjágii ja hurrái. Lassin ovddežiidikšut meahccevuoncceslottiide dehálaš mannenguovlluid, ájaguora vuovdejekkiid.

Lassidieđut (suomagillii)