Dolastallan- ja muoraváldinlobit
Go meahcis johtá, lea ávžžuhus ahte gánneha geavahit vánddardanvuoššanrusttega ovdal go rabas dola. Go rabas dolla cahkkehuvvo, galgá geavahit merkejuvvon ja fuolahuvvon dolastallansajiid álo, go dat lea vejolaš. Dolastallan eará sajiin go dasa čujuhuvvon báikkis gáibida eananoamasteaddji lobi.
Meahciráđđehus lea mearrádusainis addán almmolaš lobi dolastallamii meahcis stáhta eatnamiin Lappis, Davvebađaeatnamis, Kainuus ja Davve-Gárjilis. Dolastallamii sáhttá geavahit goike ovssiid, rissiid ja smávva gudduid. Jus vuollel bealle kilomehtera siste lea fuolahuvvon dolastallansadji, galgá dolastallat doppe.
Luonddusuodjalanguovlluin, maidda lea gárvvistuvvon dikšun- ja geavahanplána dahje addojuvvon ortnetnjuolggadus, galgá čuovvut dolastallamis dan, man dáidda plánaide ja njuolggadusaide lea linnjejuvvon. Ovdamearkka dihtii eanemus álbmotmehciin dolastallan lea lobálaš dušše fuolahuvvon dolastallansajiin. Báikkit leat merkejuvvon vánddardankárttaide. Ráddjehusosiin dolastallan ii leat lobálaš.
Sitno- ja meahccebuollinváruhusa áigge rabas dola dahkan visot guovlluin lea gildojuvvon
Rabas dola dahkan lea gildojuvvon maiddái dalle, go dilit goikkisvuođa, garra biekka dahje eará siva dihtii leat dakkárat, ahte meahccebuollima riska lea čalbmosis. Ovdalis máinnašuvvon ráddjehusat gusket visot rabas dolastallansajiid. Meahccebuollinváruhusa áigge dola sáhttá goittotge dahkat stobuid ja málestanluovtti bohcciiguin rustejuvvon dolastallansajiide.