Turismagiddodagaid oastin ja láigoheapmi
Leatgo beroštuvvan Meahciráđđehusa eatnama oastimis dahje láigoheamis dahje ođđa vánddardanráhkadusaid ja -giddodagaid huksemis?
Meahciráđđehusas leat vuovdimis ja láigoheamis olu turismafitnodatdollui heivvolaš čuozáhagat, maidda sáhttá oahpásmuvvat Laatumaa.fi-siiddus.
Buot luondduturismafitnodatdollui heivvolaš báikkit eai goittotge gávdno interneahtas. Meahciráđđehusa doaibmavuohkin lea ohcat áššehassii fitnodatdoaibmamii heivvolaš báikki dahje dárbbu mielde hábmet juo lean čuozáhaga heivvolabbon. Dát oaivvilda ovdamearkka dihtii fámus lean láva nuppástuhttima. Lávvanuppástuhttimiin ráđđádallojuvvo ovttas gielddain dahje gávpogiin, ja nuppástuhttimiin gulahallo maiddái earáid virgeoapmahaččain, ránnjáin ja earáid oasálaččain dábálaš meannudanvuogi mielde.
Árabut turismafitnodatčuozáhagaid leat huksejuvvon dušše guovlluide gosa lea ráhkaduvvon lávva. Gažaldagas sáhttá leat gieldda dahje gávpoga gárvvistan oppalašlávvaguovlu dahje guovlu gosa Meahciráđđehus lea ráhkadan gáddesajádatlává dahje sajádatláva. Go turismadoaibma lea virkkosmuvvan, báikkiid leat álgán ohcat maiddái lávvaguovlluid olggobealde. Duogážin lea Meahciráđđehusa bargu ovddidit eanagottiid ealáhusaid ja turismafitnodatdoalu. Soahpamušat dahkkojuvvojit lávvaguovlluid olggobeallái 5–15 jahkái ja lávvaguovlluin 40 jahkái.
Meahciráđđehusas leat maiddái máŋggat gárvvis giddodagat, main lea vejolašvuohta hárjehit luondduturismadoaimma. Dákkáraččat leat omd. luondduguovddážat, gohttensajit ja máŋggalágan meahccestobut. Meahciráđđehus ordne gilvvu doaibmiide ja láigosoahpamušaid dáidda jeavddalaččat.