Báikediehtu

Meahciráđđehus suodjala, dikšu ja ávkkástallá goalmmádasa riikamet viidodagas. Hálddašeami vuollásaš guovllu viidodat ja Meahciráđđehusa máŋggabealatdoaimmat gáibidit gokčevaš ja máŋggabealat báikedieđu ávkkástallama.

Ávkkástallat máŋggaid báikediehtovuogádagaid, maiguin bajásdoallat áigeguovdilis dieđu:

  • luondduváriin
  • eana- ja čáhceopmodagas
  • huksejuvvon opmodagas
  • dahkkojuvvon doaibmabidjoplánain ja
  • ollašuhtton doaibmabijuin.

Báikedieđu čoaggimis ávkkástallat láserinventeremiid, meahccekártema ja olggobeale diehtogálduid. Muoraid guoskevaš dieđuid beaivádat jahkásaččat Luondduriggodatguovddáža ovddidan šaddanmálliiguin, goas anus lea buoremus vejolaš diehtu muorraresurssain. Beaivádat ja dárkilmastit oppa áigge maiddái eará dieđuid.

Báikediehtovuogádagat leat guovddáš plánengaskaoapmi luondduváriid ávkkástallama ja luonddusuodjaleami ja Vuovdedoallu Os doaibmabijuid plánemis. Dat leatge máŋgga meahciráđđehusa bargi deháleamos bargoneavvu: čuođit bargit geavahit vuogádagaid beaivválaččat.

Meahciráđđehusas juohke diehtovuogádagas lea eaiggát. Eaiggát vástida ee. vuogádagaid ovddideamis, bajásdoalus, diehtodorvvus ja geavahandoarjagis ja dárbbašlaš lága bokte ásahuvvon doaimmain.

Uljas-báikediehtovuogádatoppalašvuohta

Uljas lea Meahciráđđehusa ESRI-buktagiidda vuođđuduvvan báikediehtovuogádatoppalašvuohta, mii sisttisdoallá guhtta sierra oassevuogádaga máŋggabealat geavahanulbmiliidda Meahciráđđehusa giddodat- ja eanageavahandieđuid hálddašeamis luonddusuodjalanguovlluid vuođđudeapmái ja luonddutiippa- ja šládjadieđuid hálddašeapmái.

Stuorámus oassi Uljas-vuogádagain dorjot aiddo luonddusuodjalanguovlluide gullevaš dieđu hálddašeami, plánema ja čuovvuma dárbbuid, ja dát vuogádagat leat meahciráđđehusa lassin anus maiddái EBI-guovddážiin, Suoma birasguovddážis ja birasministeriijas.

Luonddubálvalusaid eaiggádan vuogádagat

  • SATJ = Suodjalanguovlodiehtovuogádat
  • SASS = Suodjalanguovlluid plánen- ja čuovvunvuogádat
  • SAKTI = Suodjalanguovlluid govusdiehtovuogádat
  • LajiGIS = Šládjadieđuid hálddašan- ja bajásdoallanvuogádat
  • PAVE = Ráhkadusaid, máđijaid ja arkeologalaš čuozáhagaid báikediehtovuogádat

Meahciráđđehus-konsearnna eaiggádan vuogádat

  • OmaisuusGIS = Meahciráđđehusa giddodat- ja eanageavahandieđuid hálddašanvuogádat

Báikediehtovuogádagaid govvádusat

Dárkilut dieđut sierra báikediehtovuogádagaid sisttisdoallan dieđuin, vuogádaga ávkkástallanulbmilis ja bajásdoalus gávdnojit vulobeale liŋkka bokte.

Meahciráđđehus Vuovdedoallu Os eaiggádan vuogádagat

  • Silvia = Vuovdedoalu vuovderesursa- ja plánenvuogádat
  • Ohjas = Vuovdedoalu doaimmastivrenvuogádat