Turismabálvalusat lotnolasgeavahanvuvddiin
Meahciráđđehusa lotnolasgeavahanvuovddit heivejit dábálaččat bures turismaatnui. Min soahpamušgeavadat lea njuovžil ja áššit ráđđádallojuvvojit.
Lotnolasgeavahanvuvddiin sáhttá dahkat áššiid, mat leat gildojuvvon suodjalanguovlluin, dego ođđa máđijat meahccejohtalusa várás dahje ođđa vuoiŋŋastanbáikkiid aiddo dohko, gosa fitnodatdoalli daid dárbbaša. Vuovdedoallu Os:a soahpamušgeavadat lea njuovžil ja áššit ráđđádallojuvvojit.
Lotnolasgeavahanvuovddit leat maiddái stáhta vánddardanguovllut ja áhpásmuhttinvuovddit. Vánddardanguovlluin leat máŋggabealat vejolašvuođat ja ráhkadusat vánddardeapmái ja eará luonddu áhpásmuhttinatnui. Vánddardanguovlluin hárjehit vuovdedoalu nu, ahte áhpásmuhttinanu dárbbut váldojuvvojit vuhtii. Áhpásmuhttinvuovddit fas leat vuosttažettiin áhpásmuhttindárkkuhusaide várrejuvvon, dávjá eanadaga dáfus earenoamáš vuovdedoalloguovllut. Daid dikšumis váldo luonddutiippaid seailun deattuhemiin vuhtii áhpásmuhttinanu doarjumis.
Luonddus lihkadeapmái ii dárbbaš Suomas eanaeaiggáda lobi. Go lihkadeapmi Meahciráđđehusa lotnolasgeavahanvuovddis lea gávppálaš ulbmiliidda, mii váikkuha vuovdelundui, doaimmas galgá dahkat soahpamuša Meahciráđđehus Giddodatovdánemiin. Ná doaibma boahtá Meahciráđđehusa dihtui ja dan sáhttá váldit vuhtii soahpamuša mielde ovdamearkan vuvddiid gieđahallamis. Lassin jus gávppálaš luondduturismma olis ávkkástallat Meahciráđđehusa bajásdoallan vánddardeami bálvalanrusttegiid, doaimmas galgá dahkat soahpamuša Luonddubálvalusaiguin.
Meahccejohtalussii dárbbašuvvo lohpi
Buorre muitit, ahte mohtorfievrruiguin luonddus lihkadeapmái dárbbaša álo eanaeaiggáda lobi. Luondduturismafitnodatdoallit sáhttet dahkat maiddái soahpamušaid earálágan máđijain (boazovuodjin-, beanageasus-, mohtorgielká- meahccesihkkelastin- ja meahcceluottat) ja doarjjabáikkiin dahje ráhkadusain (goavde-, goahte- ja gáddáiboahtinsajit, goargŋun- ja easttašilljoguovllut, boazoáiddit).
Máđijain dahkko geavahanriektesoahpamuš, man golut šaddet guhkkodaga ja sajádaga mielde. Sávahahtti lea, ahte fitnodagat ávkkástallet dálá máđijaid. Doarjjabáikkiid ja ráhkadusaid huksedettiin dahkko geavahanriektesoahpamuš. Soahpamušaid hattiid meroštallat dáhpáhusaid guovdu.
Mohtorgielkávuodjin priváhtaolmmožin
Suomas sáhttá vuodjin mohtorgielkkáin mohtorgielkámáđijain ja gielddaid ja Meahciráđđehusa bajásdoallan mohtorgielkáluottain. Meahciráđđehusa luottat leat mávssu vuollásaččat, eahpevirggálaš máđijat. Dáidda luottaide mohtorgielkávuoddji sáhttá skáhppot Meahciráđđehusas persovnnalaš luoddalobi.
Safári- ja reahkafievrrideamit
Jus doaimmat safárifitnodatdoallin dahje ordnet reahkafievrridemiid Meahciráđđehusa hálddašan stáhta eatnamiin, galggat soahpat doaimmas ja das geavahuvvon mohtorgielkáluottain Meahciráđđehusain ovddalgihtii.
Sihke Meahciráđđehusa almmolaš lohpeluottaid ja fitnodagaid anus lean eará luottaid geavaheamis galgá soahpat ovddalgihtii.
Safáridoibmii fitnodat dárbbaša
- Meahciráđđehus safárimiehtama dihto luotta geavaheamis.
- Juohke safárii meahccejohtaluslobi, man oaččut go dagat safárialmmuhusa Eräluvat.fi-bálvalusas.
- Dárkilut rávvagat safárimiehtama ohcamii (suomagillii, eraluvat.fi)
Reahkafievrrideapmái fitnodat dárbbaša
- Meahciráđđehusa miehtama dihto luotta geavaheamis.
- Meahccejohtaluslobi mohtorgielkká vuoddjái.
- Dárkilut rávvagat reahkafievrridanlobiin (suomagillii, eraluvat.fi)