Luondduguovlolohpi Eanodaga, Anára ja Ohcejoga gielddain

Meahciráđđehusa luondduruovttudoalloguovlluin Eanodaga, Anára ja Ohcejoga gielddain vuvdojuvvo vuolil leahkki listu čuovvu buktagiid luondduguovlolobiin. Luondduguovlolobi sáhttá háhkat váldimin oktavuođa oktavuođaolbmui (oktavuođadieđut siiddu vuolleoasis).

Luonddudoalloguovllut leat Eanodaga gielddas Giehtaruohttasa ja Geađgeluobbala geainnuid guoras ja Bálojohnjálmmi–Njunnásgeainnu davábealde. Anáris luondduruovttudoalloguovllut leat almmolaš geainnuid guorain Áŋŋelis, Gápmasis ja Bárttehis davás. Ohcejogas buot almmolaš geainnuid guorat leat luonddudoalloguovlu. Galgá váldit vuhtii, ahte visot stáhta eatnamat eai leat luonddudoalloguovllut. Meahcceguovllut, jeagge- ja buolžasuodjalanguovllut ja earát suodjalanguovllut ja vuovdedoalloguovllut eai gula lobi birii.

Luondduguovlolohpi lea dahkkojuvvon earenoamážit báikkálaš ássiid ja luopmostobuid Eanodaga, Anára dahje Ohcejoga gieldda guovllus oamasteddjiid dárbbuide. Lobiin sáhttá háhkat buktagiid dušše iežas atnui. Nuortalašlága vuođul olbmot geat ožžot boaldinmuora ja earáid vástideaddji buktagiid stáhta eatnamiin eai dárbbaš háhkat luondduguovlolobi.

Doaimma čuovvovaččat:

  1. Bivdde oktavuođaolbmos čujuheami buktaga viežžamii.
  2. Mávsse oktavuođaolbmo sádden buktaga guoskevaš rehkega ja viečča buktaga čujuhuvvon báikkis easkka dan maŋŋá.

Lobi haddi lea 24,95 euro (sisttisdoallá alv. 24 %). Lohpi lea fámus golbma (3) mánotbaji.

Luodduguovlolohpebuktagat ja badjerádjemearit ovttadathattiin 24,95 euro (sisttisdoallá álv 24 %)

Buvtta Eanemusmearri
Soahke- ja beahceboaldinmuorra ceaggut (čujuhemiin)2 látnaguđahasmehtera
Boazoáidestoalpu (čujuhemiin)25 st.
Mielggassoagit, luoggasieđggat, sieđggat4 st.
Juovlabeahci5 st.
Plogenmearkkat (hárvvidemiin)250 st.
Pláhttageađggit2 njealjehasmehtera
Hearvageađggit, muvrageađggit2 guđahasmehtera
Guolbbamuoldu, lavdnji (čujuhemiin)25 njealjehasmehtera

Rávvagat boaldinmuora váldimii luondduguovlolobiin

Áššehas galgá leat sihkkar das, ahte guovlu, gos son lea váldimin boaldinmuora, lea Meahciráđđehusa hálddašeamis lean luonddudoalloguovlu.

Luonddudoalloguovllut leat Eanodaga, Anára ja Ohcejoga gielddain. Boaldinmuorran vuvdojuvvo ealli ceakkosoahki ja ceakkobeahci. Eanamuora ii oaččo váldit. Boaldinmuora sáhttá váldit dušše beare oktavuođaolbmo čujuhemiin. Oktavuođaolmmoš stivre muoraváldiid sierra boaldinmuorračuohppanguovlluide.

Boaldinmuora ii oaččo váldit almmolaš geainnuid, jávrriid, jogaid, ádjagiid, gálduid iige nješšiid lagašvuođas. Suodjegaska ovddal máinnašuvvon čuozáhagaide galgá leat unnimustá 30 m. Boaldinmuora ii sáhte váldit Ohcejoga leagis, giličoahkkebáikkiid, ássanráhkadusaid iige luopmostobuid lagašvuođas.

Váriid vilttiin sáhttet leat báikkuid huige šattolaš, juoba rođulágan njeaššejukkit, main šaddet ee. gáiskkit. Seammalágan šattolaš, smávva šaddanbáikkit gávdnojit maiddái heaŋggobávttiid vuolde. Dákkáraš eanadatsajit leat ráfáiduhtton boaldinmuora váldima dáfus.

Lodnjesogiid, subiid, šáljaid, skábiid ja guosaid galgá seastit iige reatkkáidge oaččo váldit. Soahkemiestagiin galgá guođđit buoremusaid ja eallifámolamos muoraid ceaggut. Luonddudoalloguovllut leat eanaš marastagat, beazit leat báikkuid seahkalasmuorran. Lagežat šaddet dán guovllus dábálaččat miesttagin, mas leat seahkalagaid boares, oassái juo mieskan muorat, buoremus šaddanmuttu muorat ja nuorra vesát. Boaldinmuorran válljejuvvojit boarrásamos soahkemiestagiin geažis oassái juo mieskan, gierragis ja ovssiin juo oassái goikan muoraid main lea ruŋgovihki.Ovttaskas sogiid galgá guođđit ceaggut. Dain boaldinmuorračuohppanguovlluin, main váldomuorrašládjan lea beahci, galget njealje mehtera suotnjaris lean jorbadasiskkusviidodaga sisa báhcit unnimustá 8 beahceruŋggu ceaggut. Dimbbarmuora mahtosaš beazi ii oaččo váldit boaldinmuorran.

Boaldinmuora oažžu váldit maiddái Ohcejoga gilvvabeahcevuvddiin árabut máinnašuvvon hárvennjuolggadusa mielde.

Muoraid iskkusgilvvaviidodagain ii oaččo váldit muora, dat leat áidojuvvon firpmiiguin.

Eana lea hui hearkkes ja lavdnjegeardi lea báikkuid dušše moadde sentemehtera gassat. Njeidojuvvon muoraid galgá dán sivas fievrridit meahcis eret muohttaga áigge, juos ii daid sáhte gurput geaidnogurrii. Boaldinmuoraid fievrrideapmái galgá háhkat Meahciráđđehusa meahccejohtaluslobi.

Go áššehas váldá boaldinmuora luondduguovlolobiin, galgá almmuhit čuovvovaš dieđuid:

  • namma
  • telefonnummir
  • boaldinmuora váldinbáiki (báikki namma dahje koordináhtat)
  • boaldinmuora meari man son lea váldán
  • šleađgapoasttain dahje reivviin čujuhussii: tuomo.kokkoniemi(at)metsa.fi dahje Metsähallitus / Tuomo Kokkoniemi, PL 36, 99801 Ivalo.

Fuom! Huksendárbbuide muora ii sáhte oastit luondduguovlolobiin. Huksenmuoraid galgá diŋgot sierra iežas čujuhemiin oktavuođaolbmos. Maiddái lavnnji váldimii dárbbašuvvo iežas čujuheapmi oktavuođaolbmos. Luondduguovlolobiin ii maiddái sáhte oastit čievrra iige sáddo.

Luondduguovlolobi háhkan ja diđoštallamat:

Tuomo Kokkoniemi

Maankäyttöasiantuntija

Metsähallitus
Kiinteistökehitys
PL 36 (Ivalontie 10)
99801 Ivalo

Puh. 0206397341