Luopmoduktásajit

Suopmelaččat leat beakkán bartaálbmot ja návddašit luonddu ráfálašvuođas orrumis. Iežas bartaniegu ollašuhttimii dárbbašuvvo duktásadji ja dat mis gávdnojit viidát mas válljet.

Mis leat badjel duhát duktásaji vuovdima dahje láigoheami várás stáhta eatnamiin sierra guovlluin Suomas – jogaid ja jávrriid gáttis ja duoddariin. Stuorámus oassi lávvaplánejuvvon duktásajiin leat gáddeduktásajit, muhto fállamis leat duktásajit maiddái measta juohke Lappi turismaguovddážis. Meahccelágan duktásajit, mat leat buorre guollečáziid dahje bivdoeatnamiid guoras leat nammadan bivdoduktásadjin. dat maiddái gávdnojit máŋggat logit. 

Lassin mis leat vuovdimassii measta čuođi bearašviessoduktásaji sierra guovlluin Suomas. Daid buorit bealit lea stuorra viidodat, iežas ráffi ja čáppa eanadagat. 

Stáhta eatnamiin lean duktásajiin buhtes luondu ja máŋggalágan buđaldanvejolašvuođat leat lahka. Ovdamearkan Ylläsis fiinna álbmotmeahcceeanadagat lea áibbas dastán, ja vánddardančuozáhagat leat hui valjit.  

Measta buot Meahciráđđehusa duktásajiide lea geaidnu. Turismaguovddášduktásajiin lea álo gárvvisin maiddái eará infrastruktuvra, dego čáhci, duolvačáhcebohcci, šleađga ja govdafierbmeoktavuohta. Gáddeduktásajiin eai álo leat oažžumis buot bálvalusat, muhto buorre duktásaji ii gánnet hilgut ovdamearkan šleađgalaktaga váiluma dihtii. Ovdamearkan beaivvášpanelat leat ovdánan hui olu ja bartii lea vejolašvuohta oažžut buot vuogasvuođaid almmá árbevirolaš laktagiidge. 

Láigohemiin beasat álgui hálbbibut 

Iežas barta ii leat áibbas hálbi ollašuhttit ja golut sáhttet orru menddo stuorrát. Okta vuohki álkidahttit bartaeallima álgui beassama lea láigohit duktásaji, dalle ruhta báhcá ieš bartta huksemii.  

Sulaid 60 proseantta Meahciráđđehusa duktásajiin láigohuvvojit vuos álggos. Láigoáigi lea dábálaččat 40 jagi, ja láigoduktásaji sáhttá máŋggain báikkiin oastit alccesis maŋŋelis. Go jahkeláiggu juohká mánuide, fuobmá, ahte supmi lea govttolaš. 

Bartta sáhttá maiddái láigohit 

Mihkkige ii eastte láigohit iežas láigoduktásaji ja das lean bartta ovddasguvlui. Mis leat eandalii čuoiganguovddážiin olu áššehasat, geat láigohit barttas. Muhtumiin sáhttá leat duktásajis párradállu, man nubbi bealli lea iežas anus ja nubbi láigohuvvo. 

Jus juoga duktásajiide laktásan ášši smiehtaha, sáhtát álo jearrat veahki min ámmátvuovdiin.