Vuoigatvuođat ja njuolggadusat

Meahciráđđehusa hálddašan stáhta eatnamiin ja čáziin oažžu lihkadit árbevirolaš davviriikalaš juohkeolbmorievtti vuođul.

Luonddubuktagiid oažžu ávkkástallat juohkeolbmorivttiid addán rájáin almmá sierra lobi dahje mávssu. Doaibma, mii ii gula juohkeolbmorivttiid, dárbbaša eanaeaiggáda lobi. Meahciráđđehus addá eanaoamasteaddjin lobiid ja mearrádusaid stáhta guovlluid ávkkástallamis. Luonddusuodjalanguovlluin juohkeolbmorievtti sáhttá ráddjet suodjalanmihttomeriid mielde.

Juohkeolbmorievttit

Juohkeolbmorivttiin doaibman ii oaččo mielddisbuktit go eanemustá unnáaš vahága eanaoamasteaddjái, eanageavaheapmái dahje lundui.

Juohkeolbmorivttiin oažžu ovdamearkan vázzit, čuoigat, suhkat dahje meallut luonddus ja oaggut, rudneoaggut ja vuodjat. Luonddumurjjiid ja borramušguobbariid oažžu čoaggit.

Lobi gáibidan doaibma

Ee. meahccebivdu ja meahccejohtalus leat doaimmat, mat gáibidit lobi. Oaggun lea rudneoaggun leat nuvttá oppalašguolástanrievttit. Eará guollebivdui go rudneoaggumii dahje oaggumii galgá máksit guolleváriiddikšunmávssu.

Lobiid dárbbašat maiddái dutkandoibmii dahje fitnodatdoibmii stáhta guovlluin.

Dihtomearremearrádusat

Meahciráđđehus addá dihtomearremearrádusaid guolástusa, meahcásteamis ja meahccejohtaluslobiin stáhta guovlluin. Dihtomearremearrádus muitala, man olu eanemustá sáhttá guolástit, meahcástit dahje vuodjit skohteriin guđege stáhta eatnamis.

Ortnetnjuolggadusat suodjalan- ja vánddardanguovlluide

Meahciráđđehus sáhttá addit luonddusuodjalanlága vuođul ortnetnjuolggadusa suodjalanguovlluide. Ortnetnjuolggadusas meroštallojuvvojit, makkár doaibma lea lobálaš, ráddjejuvvon dahje gildojuvvon.

Ođđa ortnetnjuolggadusat almmustahttojuvvojit dán siiddus ja dain lea váidalanriekti.

Lága fámu ožžon ortnetnjuolggadusat gávdnojit ee. Meahciráđđehusa almmustahttinlogahallamis. Ortnetnjuolggadussii gullán mearrádusain muitaluvvo maiddái ieš guđege čuozáhaga ovdanbuktimis Lundui.fi-neahttabálvalusas.