Lobit

Meahciráđđehusa hálddašan stáhta eatnamiin ja čáziin sáhttá dábálaččat lihkadit friddja juohkeolbmorivttiid vuođul. Luonddusuodjalanguovlluin ja muhtun earáge sierraguovlluin sáhttet leat ráddjehusat, maid vuođđu lea ovdamearkan luonddusuodjalanlágas, suodjalanguovllu vuođđudannjuolggadusain dahje ortnetnjuolggadusas.

Meahciráđđehusa kártabálvalusas sáhtát dárkkistit, leago čuozáhat stáhta luonddusuodjalanguovllus:

Eará go juohkeolbmorivttiide gullevaš doibmii dárbbašuvvo váldonjuolggadusa mielde Meahciráđđehusa lobi.

Meahciráđđehus lea gárvvistan sierra rávvaga ja skovi dáid lobiid ohcama várás. Dákkár lobit leat ee. dutkanlobit dahje lohpi vuođđudit ođđa gakcunmáđija.

Smávvalágan olgodáhpáhusaid dego álbmottuvrraide ii dárbbaš ohcat lobi iige dain dárbbaš almmuhit Meahciráđđehussii. Stuorát dáhpáhusain Meahciráđđehus sávvá almmuhuvvot, vai sáhttá garvit ovdamearkan dáhpáhusaid badjálasvuođa ja bahkašuvvama.

Geočiehká vuođđudeapmi luonddusuodjalanguvlui lea dábálaččat lobálaš, muhto das galgá almmuhit šleađgapoasttain Meahciráđđehussii. Čiehká vuođđudeapmi eará go Meahciráđđehusa guovlluide ii gáibit dákkár almmuhusa.

Lobit luonddusuodjalanguovlluide ja sierralobit báikkálaš ássiide

Meahciráđđehus doaibmá lohpevirgeoapmahažžan dasa meroštallojuvvon hálddašandoaimmain.Dákkár doaimmat leat ee. luonddusuodjalanguovllu hálddašeaddjái gullet sihke eará guovlluin, ovdamearkan Davvi-Sámis ja suologuovllus, báikkálaččaid lágas mearriduvvon sierravuoigatvuođaide gullevaš lohpeáššit. Dát lobit ohccojuvvojit dábálaččat girjjálaččat ja dat gieđahallojuvvojit hálddahuslohpeáššin. Lohpemearrádus addojuvvo girjjálažžan ja dasa laktojuvvo váiddačujuhus.

Luonddusuodjalanlágas ja dan vuođul addojuvvon guovlluid vuođđudannjuolggadusain meroštallet lobivuollásaš spiehkkaseamit luonddusuodjalanguovlluid ráfáidahttinmearrádusaide. Meahciráđđehus sáhttá mieđihit lobi:

• johtit ráfáidahttinguovllus ovdamearkan dutkandoaimma oktavuođas
• bivdit dahje goddit ealliid dahje čoaggit guobbariid dahje šattuid dutkamuša várás (ng. dutkanlobit)
• geahpedit šaddo- dahje eallišlájaid oktagasmeari, jus šládja lea šaddan vahátlažžan
• guolástit earáge vugiin go oaggumiin ja rudneoaggumiin
• váldit háldui guvlui goddojuvvon fuođđoealli meahccebivddu oktavuođas
• hukset boazodollui gullevaš ráhkadusaid dahje rusttegiid
• dahket geologalaš dutkamušaid dahje ohcat málmma
• seaivut girdinfievrruin
• ovddežiidikšut ja ordnet ráhkadusaid ja rusttegiid

Lobiin berrojuvvon mávssut

Meahciráđđehusa hálddahusmearrádusain addojuvvon mávssuin berrojuvvo birasministeriija máksinásahusa dahje eana- ja meahccedoalloministeriija máksoásahussii vuođđudan mávssu. Dieđalaš dahje oahpahusulbmilii mieđihuvvon lobit sihke vahátlaččat laskan šlája geahpedeapmái mieđihuvvon lobit leat nuvttá.

Guolástan- ja meahcástanlobit ja skohtervuodjima luoddalobit

Lobit guolle- ja meahccebivdui ja vuodjimii skohteriin leat Meahciráđđehusa bivnnuheamos lobit. Dat leat eanáš mávssuvuolálaččat ja dat vuvdojuvvojit Eräluvat-fi-siidduid bokte.

Lassidieđut