Buresbirgejupmi luonddus

Luondu – Suoma stuorámus lihkadanbáiki – lea rabas miehtá jagi. Álbmotmeahcit, vánddardanguovllut, lotnolasgeavahanvuovddit ja čáhceguovllut oktan bálvalusaidisguin, geaidnofierpmádagaidisguin ja vánddardanráhkadusaidisguin fállet fiinna vejolašvuođaid guolásteapmái, meahccebivdui ja vánddardeapmái. Dat ovddidit dearvvašvuođa ja buvttadit sisaboađuid báikkálašekonomiija. 

Ekosystemalahkonanvugiin ja biodoaluin Meahciráđđehus figgá ovddidit luondduváriid suvdilis ávkkástallama ja luonddusuodjaleami sihke buvttadit buresbirgejumi dálá ja boahttevaš sohkabuolvvaide. Ekologalaš, ekonomalaš, sosiálalaš ja kultuvrralaš gierdavašvuođa oktiiheiveheapmi lea min ađadoaibmamet. 

Dikšut vuvddiideamet ja čáziideamet máŋggageavaheami vuođđojurdagiin. Doaimmahat muora ovddos dikšuma várás ja energiijan sulaid 6 miljon kubihka jahkásaččat.  

Aktiivvalaš eanageavaheami ovddidandoaimmain figgat dasa, ahte stáhta eatnamat ja čázit addet ávkki suopmelaš servodahkii nu bures go vejolaš. Guovlluide, maidda leat dahkan lávaid, figgat hukset birrajagi fitnodatdoaimma, mii addá ávkki báikkálaš ealáhuseallimii ja lasiha guovllu eallinfámolašvuođa. Bieggafápmoguovlluid ovddidemiin ovddidat dálkkádatmihttomeriid ollašuvvama.