Suvdilis turismma vuođđojurdagat

Álbmotmehciin ja eará suodjalanguovlluin lea stuorra mearkkašupmi turismma geasuhusdahkkin. Suodjalanguovlluid ávkkástallan turismmas lea vejolaš, go dan heivehuvvo oktii suodjalanulbmiliiguin ovttasbarggus. Meahciráđđehusa luonddubálvalusain ja UNESCO máilmmiárbečuozáhagain Suomas leat oktasaš suvdilis turismma vuođđojurdagat, mat vuhtiiváldojuvvojit min doaimmain ja oktasašdoaimmain turismafitnodatdoalliiguin.

Mii ovddidit suvdilis turismma, Mii bargat dán ovttasbarggus nu, ahte…

1 Doarjut čuozáhagaid árvvuid seailuma ja ovddidat daid suodjaleami

  • Luonddu- ja kulturárvvut leat dehálaš sivva mátkái.
  • Mii muitalit gallededdjiide čuozáhaga árvvuin ja daid suodjaleamis ja arvvosmahttit sin doaibmat vásttolaččat.
  • Mii ovddidat bálvalusaid ja stivret geavaheami jođu ja čuozáhaga luonddu mielde.
  • Mii geavahat eanaš gárvves johtolagaid ja juo lean bálvalusbiergasiid.
  • Huksemis mii vuhtiiváldit maiddái báikkálaš luonddu- ja kulturárvvuid.
  • Turisma ii áitte čuozáhaga luonddu- ja kulturárvvuid, ja mii eastadit vahátlaš váikkuhusaid ovddalgihtii.

2 Minimeret birrasa noađuheami

  • Mii ovddidat vejolašvuođaid mátkkoštit čuozáhahkii almmolaš fievrruin ja uhcánaš bázahusain.
  • Mii šaddadat orrunáiggi turismaguovllus.
  • Mii doaibmat energiija- ja materiálabeaktilit.
  • Mii doaibmat buorre ovdamearkan birasáššiin.
  • Mii dahkat vejolažžan ja arvvosmahttit gallededdjiid doaibmat birasustitlaččat.

3 Mii nannet báikkálašvuođa

  • Báikkálaš diehtu, dutkamušdiehtu, vásáhusat ja kultuvra leat vuolggasadji vásáhusaid fálaldagas.
  • Oahpisteapmi lea alladásat ja doaibmit dovdet guovllu ja báikkálaš diliid bures.
  • Mii lasihat guovllu árvvu bures buvttaduvvon turismabálvalusain.
  • Mii doaibmat ovttasbarggus ja fállat báikkálaš ássiide ja gallededdjiide vejolašvuođaid oassálastit čuozáhaga dikšumii ja ovddideapmái.

4 Mii ovddidat čuozáhagaid buvttadan buresbirgejumi ja dearvvašvuođa

  • Mii movttiidahttit gállededdjiid máŋggabealat, iešdoaibmi ja oahpistuvvon luonddu- ja kulturvásáhusaide.
  • Mii sihkkarastit čuozáhagaid ja bálvalusaid galledeaddjidorvvolašvuođa.
  • Min bálvalusat ovddidit dásseárvvu.
  • Mii buoridat gallededdjiid vejolašvuođaid lasihit sosiálalaš, psyhkalaš ja fysalaš buresbirgejumistis.
  • Mii ovddidat báikkálaš ássiid áhpásmuvvama ja buoridat guovllu eallindiliid.

5 Mii ovddidat báikkálašekonomalaš šaddama ja bargosajiid luovvama

  • Mii fállat gallededdjiide alladásat ja čuozáhaga geasuhussii vuođđuduvvan bálvalusaid.
  • Mii dahkat aktiivvalaš ovttasbarggu ja doallat čielggasin doibmiid rollaid ja ovddasvástádusaid čuozáhaga dikšumis ja bálvalusaid buvttadeamis.
  • Mii fállat dieđuid čuozáhagain ja bálvalusain ovddalgihtii, álkit ja miellagiddevaš hámis eará kommunikašuvdnakanálain.
  • Mii movttiidahttit turisttaid orrut guhkibut turismaguovllus.

6 Mii sagastallat ovttas čuozáhaga árvvuin ja bálvalusain

  • Mii čatnasit čuozáhaga árvvuide ja vuođđodieđáhusaide.
  • Mii sagastallat ovttaláganiid ja vásttolaččat eará čuozáhatjoavkkuide sihke ruovttueatnamis ja riikkaidgaskasaččat.
  • Mii čoaggit máhcahagaid čanusjoavkkuin áššehasduđavašvuođa ja doaibmama ovddideapmi.
  • Mii ordnet skuvlen- ja ovttasbargodilálašvuođaid guovllu doaibmiid gaskkas.
  • Mii arvvosmahttit doaibmiid čatnasit dáidda suvdilis turismma vuođđojurdagiidda.