Lávvabargu

Suomas visot eanageavaheami plánejit dárkilit. Plánenproseassa gohčoduvvo eanangeavaheami plánenvuogádahkan. Dat vuolgá johtui ministeriijaid ásahan riikkaviidosaš guovlluidgeavahanulbmiliin, ovdána oppalašiešvuođaide eanangodde- ja oppalašlávaide ja šaddá dárkilabbon viidáseappot sajádatlávvan.

Stáhtaráđi ásahan guovlluidgeavahanulbmilat, eanangoddelihtuid gárvvistan eanangoddelávat ja gávpogiid ja gielddaid gárvvistan oppalašlávat stivrejit Meahciráđđehusa iežas eanangeavaheami plánema. Meahciráđđehus oassálastá eanangodde- ja oppalašlávaid gárvvisteapmái addimiin cealkámušaid ja evttohusaid: ulbmilin lea heivehit oktii lávaid ja Meahciráđđehusa iežas plánema mihttomeriid.

Stáhta oamastusas lean eatnamiidda Meahciráđđehus gárvvista ieš sajádat- ja gáddesajádatlávaid ovttasbarggus gielddaiguin ja gávpogiiguin. Sajádatlávain dahkkojuvvo dárkilabbon eanangodde- dahje oppalašláva mearrádusaid meroštallamiin ovdamearkka dihtii duktásajiid ja huksenvuoigatvuođa meari ektui.

Meahciráđđehus bargá lávaid stáhta guovlluid ávkkástallamis turismii

Meahciráđđehus bargá lávaid stáhta eananguovlluin ovttas gielddaiguin ja gávpogiiguin earet eará gádde- ja ássanduktásadjin sihke turismaguovddážiid luopmo- ja fitnodatduktásadjin. Meahciráđđehusas leat máŋggain turismaguovddážiin gárvásit lávvaplánejuvvon guovllut. Daidda sáhttá hukset  idjadanbáikkiid, restoráŋŋaid ja earáid bálvalusaid turisttaid dárbbuide.

Duottarčuozáhagaid lassin oažžumis leat ovdamearkka sihtii gáddečuozáhagat luopmogiliid ja priváhta astoáiggevisttiid váras.

Meahciráđđehusas leat maiddái máŋggat oppalašlávvaplánejuvvon, eará sturrosaš eananguovllut. Ovdal vuovdima ja geavahussii váldima guovlluide gárvvistuvvo dábálaččat sajádatlávva, mas sáhttá vuhtiiváldit áššehasa dárbbuid ja sávaldagaid.