Ná doaibmat

Geavahat, dikšut ja suodjalat stáhta eana- ja čáhceguovlluid suvdilit ja heivehat oktii earálágan oamasteaddji, čanusjoavkkuid ja áššehasaid vuordámušaid. Leat doaimmasteamet čatnasan ovddidit ON:id suvdilis ovdáneami mihttomeriid (Agenda 2030) sihke ON:id fitnodagaid ja olmmošvuoigatvuođaid guoskevaš stivrejeaddji vuođđojurdagiid.

Meahciráđđehus lea stáhta fidnolágádus, mii buvttada luonddusuorggi bálvalusaid máŋggabealat áššehasjovkui riikkavuložiin gitta stuorra fitnodagaide. Oassin luondduváriid suvdilis dikšuma ja ávkkástallama fuolahat oppalaš servodatlaš geatnegasvuođaid ollašuhttimis go váldo vuhtii biologalaš máŋggabealatvuođa suodjaleami, luonddu áhpásmuhttinanu ja barggolašvuođa ovddideami gáibádusaid. Lassin heivehat oktii luondduváriid dikšuma, ávkkástallama ja suodjaleami sámiid ruovttuguovllus nu, ahte dorvvastat sámiid kultuvrra hárjeheami eavttuid, ja boazodoalloguovllus nu, ahte deavdit boazodoallolágas oaivvilduvvon geatnegasvuođaid.

Jahkásaš mihttomearit dohkkehuvvojit riikkabeivviin oassin stáhta bušeahta. Boađusstivremis vástida eana- ja meahccedoalloministeriija. Almmolaš hálddahusdoaimmaid stivre maiddái birasministeriija iežas hálddašansuorggi áššiin.

Organisašuvdna

Vásttolaš fidnodoaibma

Min hárjehan fitnodatdoaibma nieidafitnodagain Meahciráđđehus Vuovdedoallu Os:s, MH-Kivi Oy:s ja Siemen Forelia Oy:s ja konserdnii gullevaš Meahciráđđehus Giddodatovdáneamis.

Min fitnodatdoibmii gullet stáhta vuvddiid suvdilis dikšun ja ávkkástallan ja vuovdemuoraid siepmanbuvttadeapmi sihke stáhta eana- ja čáhceguovlluid láigohan-, vuovdin- ja ovddidandoaibma. Dahkat máŋggabealat fitnodatdoaibmavejolašvuođaid stáhta guovlluide ja dahkat vejolažžan fossiila materiálaid ja boaldámušávdnasiid buhttema suvdilit buvttaduvvon mearain ja bieggafámuin.

Almmolaš hálddahusdoaimmat

Dikšut almmolaš hálddahusdoaimmaid Luonddubálvalusat- ja Fuođđobálvalusat-vástosurggiin. Min doaimmaide gullet measta buot riikamet luonddusuodjalanguovlluid ja logiid kulturárbečuozáhagaid dikšun, máŋggaid áittavullosaš šlájaid suodjaleapmi, nuvttá vuođđobálvalusaid buvttadeapmi vánddardeaddjiide, meahcástan- ja guolástanvejolašvuođaid fállan fuođđolobiid mieđihemiin ja lohpesisaboađuid ávkkástallan suvdilis fuođđobivddu ovddideapmái. Lassin doaimmaide gullá meahccebearráigeahčču stáhta eatnamiin.

Meahciráđđehusa boađusstivremis vástida eana- ja meahccedoalloministeriija. Almmolaš hálddahusdoaimmaid stivre maiddái birasministeriija iežas hálddahussuorggi áššiin.

Konseardnadoaimmat

Meahciráđđehusa konseardnaovttadagain lea sihke vástosurggiid doaibma ja strategiija ja oktasaš proseassaid stivren rolla. Konseardnaovttadagat leat Bargoveahka, Láhkaáššit ja gáibádusaid čuovvun, Ekonomiija, Diehtohálddahus ja Gulahallan- ja vásttolašvuohta.