Čáhceguovlluid buorre dilli ja suvdilis ávkkástallan
Meahciráđđehus hálddaša goalmmátoasi Suomas. Eananguovlluid lassin min hálddus lea váldooassi Suoma almmolaš čázádatguovlluin, ja mearralágan suodjalanguovllut. Mii vástidat mearra- ja sáivačáhceluonddu suodjaleamis ja kártemis ja dikšut oamasteaddji bargguid giddodatáššiin almmolaš čázádatguovlluin.
Meahciráđđehusa hálddašan mearraguovlluid viidodat, 27 826 km² , vástida Uusimaa, Aitosaš-Suoma ja Satakunta oktiirehkenastojuvvon viidodaga. Guovlluid hálddašeaddjin mii addit earálágan lobiid ee. álbmotmehciide ja bearráigeahččat meahcce- ja guollebivddu min hálddašan čáhceguovlluin.
Máŋggat doaimmat čáziid buorrin
Min mearraluonddusuodjaleami guovddáš ulbmilin lea dorvvastit mearraluonddu máŋggahámatvuođa, buoridit suodjalanguovlluid luondduárvvuid dili sihke čoaggit ja buvttadit dieđu suodjalanguovlofierpmádaga dikšuma ja mearrádusdahkama doarjjan.
Sáivačáziin mii buoridit ovdamearkka dihtii mearas gorgŋon guliid eallinbirrasiid. Dikšundoaimmaide gullet ee. smávva goargŋuneastagiid eretváldimat ja eallinbirasdivodeamit.
Nuortameara golganviidodat lea sullii njealje geardde stuorát go ieš meara viidodat, nuba maiddái das mo golganviidodat doaibmá lea stuorra mearkkašupmi Nuortameara ortnegii.
Mii vuhtiiváldit čáziidsuodjaleami buot vuovdedoallodoaibmabijuin. Čáziidsuodjalandoaibmabijuiguin mii figgat ovddalgihtii eastadit golgančáziid giddes- ja biebmoávdnasiid doidáseami lassáneami ja čielggasmahttit golgančáziid nu beaktilit go vejolaš. Smávva jogageažit leat hearkkimusat vuovdedoalu doaimmaide, ja daid suodjaleapmái mii giddet earenoamáš fuomášumi.
Earenomážit čáziidsuodjaleami dáfus hearkkes guovlluin mii ávkkástallat plánema veahkkin golgančáhceanalysa, mainna sáhttá árvvoštallat čuohppan-, eanahábmen-, divvunájabargguid ja duktendoaibmabijuid dagahan ollislaš noađuheami golganviidodagas man dárkkoduvvo.
Mii oassálastit Nuortamearrahástalussii
Mii leat mielde Nuortamearrahástalus-fierpmádatálgagis, mii bovde organisašuvnnaid čatnašuvvat Nuortameara suodjaleapmái, dahkat iežas Nuortamearra-doaibmabidjoprográmma ja ollašuhttigoahtit dan.
Mii oassálastit Nuortamearrahástalussii oktiibuot viđain linnjemiin, mat ollašuhttet vásttolašvuođaprográmma eará temáid. Doaibmabijut sisttisdollet nu konkrehtalaš divodanbargguid go rávvagiid ja bearráigeahču.