Vuovdedoalu čáziiddikšundoaimmat

Puiden ympäröimä metsälampi, jonka ympärille on jätetty koskematon suojavyöhyke.
Vuovdeláttu oktan suodjeavádagain. Govva: Lauri Karvonen

Vuovdedoallodoaimmaid čuovvumuššan čázádagaide doidašuvvet sihke biebmo- ja giddesávdnasat. Fuolalaš plánemiin sáhttá goittotge čielgasit geahpedit divvunájabargguin ja eanahábmemiin čuvvon čázádathehttehusaid. 

Vuovdedoalu čáziidsuodjalandoaimmaiguin čielggasmahttit golgančáziid nu beaktilit go vejolaš, vai daid mielde johtán biebmo- ja giddesávdnasat eai beasašii birrasa čázádagaide.

Čáziidsuodjaleami vuođđun lea fuolalaš plánen

Vuovdedoalu čázádagaide mielddisbuktán vahágiid geahpedeami vuođđun lea vuovdedoallo- ja čáziidsuodjalandoaimmaid fuolalaš plánen. Geavahat plánemis earálágan báikediehtomateriálaid ja -bargoneavvuid, maid gokčavašvuohta ja dárkilvuohta leat buorránan maŋimuš jagiin.

Čáziidsuodjaleami báikediehtomateriálat áiccalmahttet ee. doaibmabidjoguovllu ádjagiid háluvuođa sihke ádjagiin golgan čázi golganguovllu ja rávdnjeeavttu. ná sáhttá árvvoštallat maiddái eatnama hearkivuođa erošuvdnii ja earálágan čáziidsuodjalandoaimmaid dárbbu. Báikediehtomateriálat geahpedit meahcis dahkkojuvvon dárkkistemiid dárbbu, dalle dárkkistemiin sáhttá vuodjut erenomáš riskačuozáhagaide.

Čáziidsuodjaleami doaimmat

Vuovdedoalus čáziidsuodjaleapmi váldojuvvo vuhtii čuohppamiin, eanahábmemiin, divvunájabargguin, duktemis ja meahccegeainnuid ráhkadeamis. Čáziid biebmoávnnasnoađuheami dáfus deaŧalaš lea muddet čázi rávnnji vuovdedoalu doaimmaid oktavuođas, vai golgančáziid biebmoávdnasat eai gárttašii birrasa čázádagaide.

Vuosttas saji čáziidsuodjalanvuohki lea gieragolggaheapmi, mas čáhci stivrejuvvo golgat nu viidát go vejolaš, dakkár guvlui, gos eai leat dahkkojuvvon ádjagat. Jus gieragolggaheami ii sáhte ollašuhttit, dahkat earálágan divvunájabargguid ráhkadusaid, dego bohccebuođuid ja luoitalanáldáid. Sierradiliin sáhttit ráhkadit buođuid dahje lávttasbáikkiid.

Ođđa guovlluide eat leat goivon ádjagiid jagi 1994 maŋŋá.

Vuvddiid gieračáziid sihke jávrriid ja jogaid birrasii guođđit álo čuohppamiid ja eanahábmemiid oktavuođas doarvái govda suodjeavádaga muoraiguin. Suodjeavádaga šattolašvuohta čatná doiddašuvvan biebmoávdnasiid ja eastá giddes ávdnasiid beassama čázádahkii. Avádaga govdodat molsašuddá 5-30 mehtera gaskkas ja dan govdodat meroštallo go váldo vuhtii ee. eatnama háluvuohta, vuođđočázi allodat sihke eanašlájat ja erošuvdnahearkivuohta.

Smávvačáhcečuozáhagain, dego ádjagiid ja vuovdeládduid birrasiin sihke ádjagiid ja vuožuid guorain suodjeavádat guđđojuvvo govddibun, go smávvačáziid ja daid birrasiid ealánat leat hui hearkki birrasa nuppástusaide. Suodjelávadat suodjala maiddái gáttiid eanadaga.

Ovdidat birasváikkuhusaideamet čuovvuma ruhtademiin Luondduváriidguovddáža ja EMM:a jođihan čázádatnoađuheami čuovvunfidnuid.

Oassálastit Nuortamearrahástalussii Meahciráđđehusa iežas doaibmabidjoprográmmain. Oahpásmuva vuovdedoalu doaimmaide Nuortameara biebmoávnnasguorpmi geahpedeapmin.

Bargu mearra- ja sisčáhceluonddu buorrin

Badjel bealli Suoma guovllučáziin leat Meahciráđđehusa hálddašeamis. Hálddašat ja dikšut sisčáhceluonddu ja guollenáliid, buvttadat šládja- ja luonddutiipadieđu sihke mearra- ja sisčáhceluonddus ja vástidat guollebivddu ordnemis dasa heivvolaš guovlluin.