Mohtorgielkávuodjin

Suomas sáhttá vuodjit skohterin skohtermáđijain sihke gielddaid ja Meahciráđđehusa bajásdoallan skohterluottain. Skohtermáđijat leat buohkanassii measta 20 000 km, main sulaid 5 000 km leat Meahciráđđehusa skohterluottat. 

Meahciráđđehusa luottat leat mávssu vuollásaččat, eahpevirggálaš máđijat. Dáid luottaide skohtervuoddji sáhttá skáhppot Meahciráđđehusas persovnnalaš dahje bearraša oktasaš luoddalobi. Dáinna lobiin sáhttá vuodjit buot luottain, mat gávdnojit Meahciráđđehusa luoddakárttain. Luottaid guoras leat dávjá vuogas boddo- ja dolastallanbáikkit ja eará bálvalusat. 

Virggálaš máđijat leat skohterjohtalussii oaivvilduvvon, geaidnojohtaluslágas meroštallojuvvon geainnut, ja dan dihtii daid ávkkástallan lea nuvttá.