Vásttolašvuohta Meahciráđđehusas

Meahciráđđehusa vásttolašvuohta lea oassi jođiheamis ja beaivválaš bargguin. Doaibmamet leahkima dohkkeheapmi sáhttá fáhtejuvvot dušše buoremus geavadagain ja eará čanusjoavkkuid dárbbuid buoremus vejolaš oktiiheivehemiin. Ovddidat garrasit vásttolaš doaibmamet dávistit ja čoavdit globála doaibmabirrasis badjánan hástalusaid.

On:id suvdilis ovdáneami mihttomearit

Leat čatnasan ovddidit doaimmasteamet ON:id suvdilis ovdáneami mihttomeriid (Sustainable Development Goals, Agenda 2030). Oassin strategiija- ja vásttolašvuođabarggus leat identifiseren iežamet barggu ja min čanusjoavkkuid dáfus deaŧaleamos suvdilis ovdáneami mihttomeriid.

Sáhttit bargomet bokte váikkuhit eandalii mihttomeriide 5 sohkabeliid dásseárvu, 8 olmmošárvvolaš bargu ja ekonomiijagárggiideapmi, 11 suvdilis gávpogat ja servošat, 12 vásttolaš golaheapmi, 13 dálkkádatdagut, 14 čázevuole eallin, 15 eallin eatnama alde, 16 ráffi, vuoiggalašvuohta ja buorre hálddahus ha 17 ovttasbargu ja guoibmevuohta.

Vásttolašvuođaprográmma

Meahciráđđehusa vásttolašvuođaprográmma juohkása njealji deaddočuokkesoassái: jođiheapmi, biras, olmmoš ja servodat- Prográmma ásaha mihttomeriid vásttolašvuođa ollašuhttimii ja meroštallá doaibmabijuid daidda beassamii. Leat čatnasan ovddidit doaimmaideametguin ON:id suvdilis ovdáneami mihttomeriid (Agenda 2030). 

Jođiheapmi

Jođiheami vuođđun leat ehtalašvuohta ja diehtu. Ovddidat buriid doaibmavugiid.

Biras

Dorvvastat luonddu máŋggahámatvuođa ja vástidat doaimmaideametguin globála hástalusaide, dego dálkkádatrievdama goahcamii ja nuppástussii vuogáiduvvamii.

Olmmoš

Gudnejahttit olmmošvuoigatvuođaid ja gáhttet bargoservoša máŋggahámatvuođa. Dorvvastat sámekultuvrra hárjeheami eavttuid.

Servodat

Oktiiheivehat stáhta eatnamiidda ja čáziide čuohcán vuordámušaid ja sihkkarastit, ahte juohkehaččas lea vejolašvuohta návddašit luonddus ja dan buktán árvvus.