Meahccebearráigeahčču

Meahciráđđehusa meahccedárkkisteaddjit gohcet lágaid čuovvuma ja lobiid fámus leahkima stáhta eana- ja čáhceguovlluin. Sin bargui gullá earret eará guolásteami, meahccebivddu ja meahccejohtolaga bearráigeahčču. Meahccedárkkisteaddji lea lágabearráigeahččoeiseválddi, geas leat poliissa veardásaš vuoigatvuođat.

Lobit stáhta guovlluide

Meahccedárkkisteaddjiid veahkkin leat čuođit báikkálaš meahccebearráigeahččit. Lassin Meahciráđđehusa bargoveahka bearráigeahččá earret eará guolásteami ja meahccebivddu lobálašvuođa meahccedárkkisteddjiid stivrema mielde. 

Beassangáibádussan meahccedárkkisteaddji bargui lea dál bolesa skuvlejupmi 

Meahccebearráigeahčuin figgat suodjalit ealliid ja guliid, dorvvastit luonddus lihkadeami ja eastadit earálágan rihkkosiid. Meahccebearráigeahččiid bargguide gullá gohcit, ahte juohkeolbmorievttit čuvvojuvvojit. Sii dárkkistit maiddái, ahte guolásteaddjiid, meahcásteaddjiid ja skohtervuoddjiid lobit leat ortnegis. 

Meahccedárkkisteaddji ja bearráigeahčči dovdá soadjamearkkas ja dábálaččat maiddái skohtera dahje fatnasa dovddaldagaid. Máŋggain meahccebearráigeahču ámmátolbmuin lea sihke meahccesuorggi ja bolesa skuvlejupmi. 

Meahccedárkkisteaddjit ja bearráigeahččit dahket ovttasbarggu virgeoapmahaččaiguin dego bolesiin, rádjegozáhusain ja tuolluin. Maiddái čanusjoavkoovttasbargu earret eará fuođđodikšunservviiguin ja guolástanguovlluiguin lea lávga. 

Vuosttas meahccefávtta virggit vuođđuduvvojedje boaittobealeguovlluide, gosa bolesa fámut eai reahkkán. Otná beaivve meahccebearráigeahču ámmátolbmot bidjet deattu rihkkosiid eastadeapmái. Sii fitnet muitaleamen buriin meahccedábiin skuvllain ja servviinge. 

Lassidieđut eräluvat.fi (suomagillii)