Geavahaneavttut

Fierbmebálvalusa govvádus

Fierbmebálvalusa (maŋŋel maid ’bálvalus ’) buvttada ja bajásdoallá Meahciráđđehus, mii lea eanan- ja meahccedoalloministeriija ja birasministeriija vuollásaš stáhta fitnodatlágádus (Y-dovddaldat: 0116726-7). Meahciráđđehusa fierbmebálvalus čohkiida diehtosiidduin ja govvabáŋkkus.

Geavaheaddji čatnasa geavahit Meahciráđđehusa www-bálvalusa dáid geavahaneavttuid, lága ja buori dábi mielde. Bálvalus lea nuvttá.

Buot bálvalusa ovdanboahtti dieđut leat dárkkuhuvvon dušše informatiivvalaš ulbmiliidda, eaige dieđut galgga ipmirduvvot juridihkalaš, gávppálaš ded. rávan. Meahciráđđehusas ii leat ovddasvástádusas ovdanboahtti dieđuid heivvolašvuođas Geavaheaddji dárbbuide dehe dáid dieđuid vuođul dahkkojuvvon doaimmaid bohtosiin.

Diehtočoahku geavaheapmi

Metsä.fi-fierbmebálvalus ávkkástallá diehtočoahkuid, mat laktásit fierbmebálvalusa doaimmalašvuođaide dahje fierbmebálvalusa geavaheami mihtideapmái ja statistihkkabargui. Bláđána stellemiin geavaheaddji sáhttá háliidettiin gieldit diehtočoahkuid vuostáiváldima dahje sihkkut eret bláđánii vurkejuvvon diehtočoahkuid. Dát sáhttá dagahit váilevuođaid siidduid doaibmamis.

Geavahanvuoigatvuohta materiálii, mii almmustahttojuvvo fierbmebálvalusas

Meahciráđđehusa fierbmebálvalusa oažžu geavahit dušše ovttaskas, ii-gávppálaš ulbmilii. Geavaheaddji ii oaččo eará ládje ávkkastallat bálvalusain dehe dan osiiguin almmá Meahciráđđehusa čálálaš lobi haga. Bálvalusa buot vuoigatvuođat, dahkkivuoigatvuođat daid mielde, gullet Meahciráđđehussii ja/dehe dan oktasašbargoguimmiide. Geavaheaddjis ii leat – earret maŋŋel máinnašuvvon spiehkastagaid haga – almmá ovddalgihtii ožžojuvvon čálalaš šiehtadusa haga vuoigatvuohta viiddidit, almmustahttit, jorgalit dehe rievdadit áššegirjjiid dehe materiála dehege luobahit daid muhtin goalmmát oassebeali atnui.

Meahciráđđehusa fierbmebálvalusa siidduid dehe daid osiid oažžu čálihit Geavaheaddji iežas, persovnnalaš anu várás.

Pressadieđáhusa ja eará almmolažžan dárkkuhuvvon materiála geavaheapmi almmolaš diehtojuohkimii lea lobalaš, muhto dieđu gáldu galgá máinnašuvvot dan geavahettiin.

Govvabáŋkku geavahanvuoigatvuođat

Meahciráđđehusa fierbmabálvalus doallá sisttis govvabáŋkku, man govaid ja fitnodatmearkkaid sáhttá friddja geavahit buriid dábiid mielde journalisttalaš dehe kommunikašuvdnalaš ulbmiliidda, mat gusket Meahciráđđehusa. Materiála ii oaččo geavahit gávppálaš ulbmiliidda. Meahciráđđehusas leat buot vuoigatvuođat govvabáŋkku materiálii, ja geavahusa oktavuođas galgá máinnašit govvagáldun Meahciráđđehusa.

Oktavuohtadieđuid geavahus

Meahciráđđehusa fierbmebálvalusas sáhttá ohcat Meahciráđđehusa bargiid oktavuohtadieđuid bargosadjái. Oktavuohtadieđuid geavahus earái go priváhta ulbmilii lea gildojuvvon. Eandalii gildojuvvo oktavuohtadieđuid geavahus gávppálaš ulbmiliidda, dego buotlágán njuolggomárkanastimii.

Bálvalusa bajasdoallan ja vahátbuhttengeatnegasvuohta

Meahciráđđehus viggá bajásdoallat fierbmebálvalusasttis nu dievaslaš ja alladásat dieđu go vejolaš, muhto ii atte dáhkádusa siidduidis feaillahisvuođas dehe sisdoalus. Meahciráđđehusas lea vuoigatvuohta buoridit ja rievdadit bálvalusa sisdoalu ja ráhkadusa.

Meahciráđđehusas ii leat ovddasvástádus das, ahte bálvalusa oažžu bistevaččat iige dat dáhkit, ahte bálvalus doaibmá geavahanboatkkaid haga dehe feaillaheamit. Meahceráđđehusas ii leat ovddasvástádus boasttosisdoalu dehe teknihkalaš vigiid dehe divvunbargguid geavaheaddjái vejolaččat dagahan njuolggo- dehe gaskkalaš vahágiin.

Meahciráđđehusas lea riekti rievdadit prográmmaid, diehtovuođu, rusttegiid ja eará bálvalusa osiid. Meahciráđđehusas lea goas beare vuoigatvuohta váldit bálvalusa dehe dan oasi gaskaboddasaččat dehe ollásit eret anus.

Earáid buvttadan materiála

Meahciráđđehusas ii leat mainnage lágiin ovddasvástádus earáid fierbmábálvalusaid sisdoalus dehe doaimmas, vaikko daidda beassá Meahciráđđehusa bálvalusa bakte. Sirdásettiin liŋkejuvvon siidduide Geavaheaddji dohkkeha, ahte siiddut eai leat šat Meahciráđđehusa hálddus eaige Meahciráđđehusas leat vejolašvuođat váikkuhit daid sisdollui. Meahciráđđehusa olggobeale liŋkka gullan bálvalussii ii čujut dasa, ahte Meahciráđđehus mainnage lágiin máinnustivččii jearldatvuloš siidduid dehe bálvalusaid.

Guoskkadahtti láhka

Bálvalusa geavaheapmái ja geavaneavttuid dulkomii guoskkaduvvo Suoma láhka. Soahpamušriiddut čovdojuvvojit Helsset gearretrievttis Suoma láhkamearrádusaid mielde.

Geavahaneavttuid vuoibmáiboahtin ja rievdadeapmi

Dát geavahaneavttut bohtet vuoibmái beivenmuttos (dokumeanttas vuolimussan) ja leat vuoimmis doaisttážii. Meahciráđđehusas lea riekti rievdadit geavahaneavttuid, ja ođđa geavahaneavttut bohtet vuoibmái daid www-bálvalusas almmustahttima áigemutto.