Guollebivdu

Guolástus lea Suoma dábáleamos buđaldus, ja dat lasiha dutkamušaid mielde buresbirgejumi. Meahciráđđehusa doaibman lea ordnet suopmelaččaide viiddis vejolašvuođaid guolástit stáhta čáziin. Lobiid sáhttá skáhppot duháhiidda čáhceguovlluide. Lohpeboađuiguin buoridat guliid eallinbirrasiid. Guolástanlobiid sáhttá skáhppot Meahciráđđehusa Eräluvat-bálvalusas.

Bivnnuheamos stáhta čáziin lea vuoggabivdu. Dan várás leat vuođđudan badjel 50 stággo-guovllu eará guovlluide Suomas. Bivnnuheamos guolástančuozáhagat leat stáhta vánddardanguovlluin, dego Ruunaas Lieksas ja Evos Hämeenlinnas. Bivddusguolásteaddjit sáhtte bivdit bivddusguovlluin, mat leat viidát, máŋggain čázádagain šaddan oppalašvuođat. Maiddái gávppálaš guolásteaddjit sáhttet ohcat lobiid stáhta čáziide. 

Guolásteamen Ruunaa vánddardanguovllus. Govva Ismo Pekkarinen.

Guolásteapmi lasiha buresbirgejumi

Guolástanturisma buktá bargosajiid eandalii Nuorta- ja Davvi-Supmii. Guolástusas leat vaikkuhusat maiddái álbmotdearvvašvuhtii, go badjel 80 proseantta guolástusáššehasain vásiha guolástanreaissu buoridan veaju, miela muossáneami ja nannen ustitgaskavuođaid.  

Guolástanáššit leat Meahciráđđehusa virgeoapmahašdoaimmat, main vástida meahciráđđehusa Fuođđobálvalusat fuođđodoallohoavdda jođihemiin. 

Dálá luonddusuodjalanlága (1096/1996) mielde oaggun ja rudneoaggun leat luonddusuodjalanguovlluin lobálaččat. Meahciráđđehusa lobiin earáge guolástusa – ovdamearkan vuogga- ja bivddusguolástusa – sáhttá hárjehit. Guolástus ii goittotge leat vejolaš luonddumáhciin iige earáge guovlluin, gos lihkadeapmi lea gildojuvvon. 

Guolástus ii oaččo suodjalanguovlluin njuolga dahje eahpenjuolga áitit mange šlája leahkima dahje boahttevuođa – vierisvuđđosaš guollešlájaid vuhtii válddekeahttá. 

Lassidieđut (suomagillii)