Stáhta vánddardanguovlluid eanageavaheami plánen

Meahciráđđehus investere stáhta vánddardanguovlluid turismabálvalusaid ovddideapmái ja nuppástuhttá árat láhttenvugiidis nu, ahte priváhttat sáhttet investeret maiddái vánddardanguovlluide. Investerenvejolašvuođaid fállan gáibida guovlluid eanangeavaheami dárkilis plánema.

Turismma oppalašplánaid dahje masterplánaid ulbmilin lea ohcat vugiid, maiguin vánddardanguovlluid sáhtášii ovddidit nu, ahte dain finašedje eanet turisttat ja sii jávkkašedje doppe guhkibut. Ulbmilin lea, ahte suvdilis turisma buvttašii lasi bargosajiid ja boađuid guovlluekonomiijai. Turisttaid orruma guhkideapmi lea gávnnahuvvon Meahciráđđehusa dálkkádatprográmmas oktan dehálaš oassedahkkin dálkkádatviissis ja suvdilis turismma ovddideamis.

Bargosajit ja guovlluekonomalašváikkuhusat šaddet turisttaid ádjáneami bokte. Bisttehis ja boarásmuvvan idjadanbálvalusat vánddardanguovlluin leat hehtten gallededdjiid meari lassáneami eaige priváhtta fitnodagat leat sáhttán hukset idjadanbálvalusaid guovlluid sisa.

Máŋggain vánddardanguovlluin ja daid birrasiin leat Meahciráđđehusa ja earáid eananoamasteddjiid eatnamiin heivvolaš báikkit, maidda lea vejolaš ráhkadit lávaid ja hukset nu, ahte vánddardanguovllu vuođđohápmi seailu.

Ovttasbargu guovlluid gielddaiguin álggii Ruunaa vánddardanguovllus Lieksas, gosa gárvvistuvvui turismma ja eanageavaheami oppalašplána jagi 2019. Evo, Kylmäluoma ja Oulujärvi vánddardanguovlluide vástideaddji plánat gárvvistuvvojit jagis 2020.

Lisätietoa