Nuortabađaeana
Meahciráđđehus beaivádii guovlluekologalaš plána stáhta eatnamiidda Gaska- ja Davvebađaeatnama eanagottiid guovllus.
Jagiid 2019 ja 2020 áigge ordnejedje áiggedássái 1996-2000 gárvvistuvvon guovlluekologalaš plánaid dieđuid Gaska- ja Davvebađaeatnama stáhta eatnamiidda. Beaivádeami vuođđun lei Nuorta-Lappi pilohttafidnu, mas guovlluekologalaš guorahallama prinsihpat ođasmahttojedje ja gárvvistuvvui meannudeamigovvádus guovlluekologalaš fierpmádaga dahkama oktilažžan ja áiggedássái.
Guovlluekologalaš guorahallama prinsihpaide sáhttá oahpásmuvvat dáppe (pdf)
Beaivádanbarggu mihttomearrin lea, ahte stáhta eatnamiid árvvolaš luonddučuozáhagaid fierpmádat šaddá dárkileappon.
Meahciráđđehus čokkii dieđuid stáhta eatnamiid čáziin ja vuvddiin lihkadeaddjiid gávnnahan árvvolaš čuozáhagain ja eará áicamiin. Čuozáhagaid gávdnamii rahpe mearreáigái kártavuđđosaš neahttajearahallama. Jearahallamis almmuhuvvon čuozáhagat dárkkistuvvojedje báikediehtomateriálas ja dárbbu mielde luonddus. Ođđa čuozáhagat eai olus boahtán.
Plána gárvánii giđđat 2020.
Guovlluekologalaš fierpmádaga sáhttá geahčadit Meahciráđđehusa bajásdoallan Retkikartta.fi -bálvalusas.