Meahccebivdoturismma bálvalusat

Jus fitnodatdoalli háliida buvttadit turismabálvalusaid guolle- ja meahccebivddu olis, lohpeáššiid sáhttá dikšut Meahciráđđehusa Fuođđobálvalusaid bokte. Stáhta guovlluin lean meahcce- ja guollebivdočuozáhagat leat fitnodagaid áššehasaid anus seamma láhkai go iešdoaimmalaš áššehasaidge

Meahcce- ja guollebivdolobit leat almmolaš hálddahusmearrádusat, maid mieđiheami ja vuovdima stivre earret eará guolástan-, meahcástan- ja hálddahusláhka. Fitnodatdoalliide lágain eai leat meroštallan sierra soahpamušgeavadaga. Dát oaivvilda dan, ahte jus fitnodatdoalli háliida ovdamearkan meahcástanlobiid iežas áššehasaide, son oastá daid neahttagávppis dahje telefonvuovdimis dego personáššehasatge. Muhtun meahcástanguovlluin šaddet hástalusat das, ahte lobiid jearru manná njuolggadusvuloš fállama. Nuppe dáfus máŋggain guovlluin lobiid leat buorebut oažžumis.

Sihke luonddusuodjalanguovlluin, vánddardanguovlluin ja lotnolasgeavahanvuvddiin leat olu čuozáhagat, main eandalii guollebivdui laktásan turismabálvalusaid buvttadeapmi lea vejolaš: guovlluin leat gárvves vuoiŋŋastanbáikkit ja eará vánddardanráhkadusat. Vánddardanráhkadusaid ávkkástallamis dahkko soahpamuš Meahciráđđehusa Luonddubálvalusaiguin.

Čáhceguovlluid láigoheapmi

Muhtun dáhpáhusain Fuođđobálvalusain lea vejolašvuohta láigohit čáhceguovlluid fitnodatdoalli atnui, dalle čuozáhaga sáhttá ávkkástallat ovdamearkan guolástanturismaanus. Fuođđobálvalusat lea maiddái ohcan ođđa čuozáhagaid  guolástanfitnodatdoalliid atnui Stuorra eallámušaid davvi guollečáziin –fidnus.

Fidnu mielde čielggai, ahte fitnodatdoalliin lea stuorra dárbu oažžut doaibmabirrasiiddis joatkevašvuođa ja einnosteami vejolašvuođa. Meahciráđđehus sáhttá doaimmastis bokte geahpedit fitnodatdoaibmariskkaid earret eará guolástanordnemiid ja guollečázi dikšundoaimmaid bokte. Ovdamearkan Pello Koutusjärvi leat gárgehan fitnodathápmásaš guolástanturismii heivvolaš čuozáhahkan, gos guollečáziid dikšun dahkko suvdilis guollebivddu čuvvon muddendoaimmaiguin. Čuozáhaga gárgehanbarggus leat váldán maiddái fitnodatdoalliid mielde, vai čuozáhat ja doppe geavahuvvon doaibmamálle dávista fitnodatdoalliid dárbbuid buoremus vejolaš lági mielde.

Fuođđobálvalusat lea čielggadan maiddái eará fuođđofitnodatdoalliin Meahciráđđehussii čujuhan vuordámušaid ja dárbbuid. Čielggadusas fuođđoturismma ovddideami stuorámus váttisvuohta oidne meahcástanlobiid, eandalii vuonccesloddelobiid, oažžuma váttisvuođa ja dan negatiivva váikkuhusaid fitnodatdoalliid doaibmaeavttuide, márkanastimii ja investerenhállui. Fuođđofitnodatdoalliid dahje sin áššehasaid ovdasadjái bidjan meahcástanlobiid juohkimis gáibidivččii goittotge nuppástusaid dálá láhkaásaheapmái. Meahciráđđehus lea dahkan evttohusa láhkanuppástusas eana- ja meahccedoalloministeriijai.

Lassedieđut

Eräpalvelujen yhteyshenkilöt

Ahti Putaala

Meahccebivddu njunuš áššedovdi

Metsähallitus
Eräpalvelut
Veteraanikatu 9
90130 Oulu

Puh. +358408272574

Olli Urpanen

Guollebivddu njunuš áššedovdi

Metsähallitus
Eräpalvelut
Kauppakatu 32
40100 Jyväskylä

Puh. +358407205963

Kalastusasiat