Suopmelaš luondu lea turismafitnodatdoalli árdnaáiti

Ain eanet ruovtturiikka ja olgoriikka vánddardeaddjit háliidit vásihit suopmelaš luonddu geasuhanfámu. Ovdamearkan álbmotmehciid galledeaddjimearit leat lassánan maŋimuš jagiid mearkkašahtti meriin.

Galledanmeriid lassánettiin earálágan turismabálvalusaid dárbu sihke luonddučuozáhagain ja lagašguovlluin lassána. Turisttat dárbbašit ee. láidesteami luonddutuvrraide, earálágan meahccebivdoeallámušaid, lágobiergasiid, biepmu, idjadeami ja čoahkkinbálvalusaid. Ná maiddái luondduturismma ekonomalaš mearkkašupmi lassána garrasit. Meahciráđđehusa luonddubálvalusat čielggada jahkásaččat buot álbmotmehciid, stáhta vánddardanguovlluid ja muhtun eará turismma dáfus mearkkašhatti suodjalanguovlluid galledeaddjiid ruhtageavaheamis boahtán báikkálašekonomiija sisaboahto- ja barggolašvuođaváikkuhusaid.

Meahciráđđehussii turismafitnodagat leat dehálaš áššehas- ja guoibmejoavku. Meahciráđđehus dahká guhkesáiggi ovttasbarggu čuđiid fitnodagaiguin miehtá Suoma. Dát turismafitnodagat juogo doibmet stáhta eatnamiin ja čáziin ja geavahit doaimmaideasetguin Meahciráđđehusa bajásdoallan vánddardanráhkadusaid dahje dieđihit luonddučuozáhagain ovttas Meahciráđđehusain. Ovdamearkan Nuuksio álbmotmeahcis Haltias lea logiid ovttasbargofitnodatdoalliid fierpmádat, maid bokte álbmotmeahci galledeaddjit ožžot buot sin dárbbašan bálvalusaid.

Turismma ovddideapmi, báikkálašekonomiija doarjun, fitnodatdoaimma vejolažžan dahkan ja luondduturismma suvdilisvuođa dáhkideapmi leat Meahciráđđehussii dehálaš mihttomearit.

Ovttasbargu plánema vugiin

Luondduriggodatplána dagadettiin turismma doaibmanvejolašvuođat kártejuvvojit ovttas eará guovllu ávkkástallanhámiiguin. Luondduriggodatplánain leat meroštallan guđege guvlui turismma deaddočuokkesguovllut, maidda turismadoaimma figget čohkket. Dát guovllut leat dábálaččat álbmotmehciid dahje eará suodjalanguovlluid birrasiin, muhto dat sáhttet leat maiddái lotnolašgeavahanvuovddit, dego vánddardanguovllut dahje áhpásmuhttinvuovddit. Turismadoaimma ravdaeavttut meroštallojuvvojit maiddái suodjalanguovlluid dikšun- ja geavahanplánain ja ortnetnjuolggadusain.

Go fitnodat ávkkástallá stáhta eatnamiid dahje Meahciráđđehusa bajásdoallan vánddardanráhkadusaid, fitnodat galgá dábálaččat dahkat ovttasbargo- dahje geavahanriektesoahpamuša Meahciráđđehusain (dárkilut rávvagat leat vulobeale kapihttaliin). Báikki ávkkástallanvejolašvuođat molsašuddet dan mielde, makkár guovllus lea sáhka: ovdamearkan luonddusuodjalanguovlluin turismadoaibma lea ráddjejuvvon eanet go lotnolašgeavahanvuvddiin dat leat friddjabut.

Turismafitnodatdoaimmas birasáššiid fuomášupmi lea hui dehálaš. Doaimma figget buot vugiiguin stivret dan guvlui, ahte birrasii šattašii noađuheapmi unnimus vejolaš lági mielde. Oassin Luonddu- ja Fuođđobálvalusaid ovttasbargosoahpamuša luondduturismafitnodatdoallit čatnasit Meahciráđđehusa suvdilis turisma prinsihpaide. Turismma dáfus eanemus geasuhan luonddubáikkiin Meahciráđđehus čuovvu suvdilisvuođa, mainna sihkkarastit, ahte luonddu- ja kulturárvvut eai áitojuvvo áhpásmuhttinanus.

Meahciráđđehus čoaggá jeavddalaččat máhcahaga ovttasbargofitnodatdoalliinnis. Máhcahatjearademiid ja ovddidanságastallamiid bokte oažžut dieđu, mo ovttasbargu lea doaibman ja maid áššiid galggašii ovddidit. Luonddubálvalusaid jearademiin čoaggit dieđuid maiddái das, mo suvdilis turismma prinsihpat leat ollašuvvan fitnodagaid doaimmas.

Ovttasbarggu lávkemearkkat

Jus leat beroštuvvan muhtun dihto Meahciráđđehusa guovllu ávkkástallamis turismadoaimmastat, gánneha čielggadit ovdamearkan kártabálvalusas, makkár ávkkástallandárkkuhus guovllus lea.

Jus báiki lea luonddusuodjalanguovlu, dagat ovttasbargosoahpamuša Meahciráđđehusa Luonddubálvalusaiguin. Lotnolašgeavahanvuvddiid, áhpásmuhttinvuvddiid ja vánddardanguovlluid bokte ovttasbargoguoibmi Meahciráđđehus lea dan mielde, maid áiggut dahkat. Jus áiggot ávkkástallat Meahciráđđehusa bajásdoallan vánddardanráhkadusaid, dagat ovttasbargosoahpamuša Luonddubálvalusaiguin. Jus háliidat oastit dahje láigohit eatnama fitnodatdoaimmat várás, dagat ovttasbargosoahpamuša Giddodatovdánemiin. Jus fas háliidat dahkat lotonolašgeavahanvuovdái skohter- dahje eará máđija dahje hukset geahppa vuoiŋŋastanbáikki, ovttasbargoguoibmi lea Vuovdedoallu Os.

Buot meahcce- ja guollebivdolobiin ja –vuoigatvuođain stáhta guovlluin vástida Fuođđobálvalusat.

Vuolleloguin leat buktot ovdan buot vástosurggiid ovttasbargogeavadagat.

Jus rivttes ovttasbargobealli ii oro gávdnomin, ii leat heahti. Go muitalat fitnodatdoaibmajurdagisttát vuolde lean oktavuođaváldinskoviin, du stivrejit rivttesolbmo ságaide.

Lassidieđut