Giddodagaid vuovdin, láigoheapmi ja geavahanrievttit
Meahciráđđehus vuovdá ja láigoha stáhta eana- ja čáhceguovlluid ja mieđiha geavahanrivttiid earálágan dárbbuide. Guovlluid sáhttá ávkkástallat ovdamearkan ássamii, turismii, fitnodatdoibmii, infrastruktuvrii ja eará dárbbuide.
Fállat fitnodagaide, servošiidda ja priváhta olbmuide vejolašvuođaid ávkkástallat stáhta guovlluid daid geavahanulbmila mielde. Guovlluid sáhttá luobahit vuovdimiin dahje láigohemiin, ja lassin Meahciráđđehus mieđiha geavahanrivttiid stáhta eana- ja čáhceguovlluide.
Lávvaplánen ja guovlluid ovddideapmi
Meahciráđđehus oassálastá guovlluid ovddideapmái eanaeaiggáda rollas ovttasbarggus gielddaiguin. Lávvaplánemis guorahallat guovlluid heivvolašvuođa sierra geavahanulbmiliidda ja oktiiheivehat sierra eanageavahandárbbuid. Áššit, maid váldit vuhtii, sáhttet leat ovdamearkan luonddu iešvuođat, áhpásmuhttinatnu, guovllu ealáhusat ja eará eanageavahanhámi.
Go Meahciráđđehusa oktan doaibman lea stáhta giddodatopmodaga árvvu bajideapmi, min mihttomearrin lea, ahte eat vuovdde guovlluid, mat eai leat lávvaplánejuvvon.
Sámiid ruovttuguovllus lávvaplánemii laktásan fidnut gárvvistuvvojit fámus lean meannudeami mielde. Dárbbašettiin fidnuin ráđđádallat ja gullat guovllu doaibmiid, dego Sámedikki, Nuortalaččaid siidačoahkkima ja bálgosiid.
Meahciráđđehus ii ovddit lávvaplánema dahje eará giddodatovddosdikšuma luonddudoalloguovlluin.
Duktásajit ássamii, turismii ja fitnodatdoibmii
Meahciráđđehus fállá vuovdimassii ja láigoheapmin duktásajiid eará guovlluin Suomas. Duktásajiid sáhttá geavahit ovdamearkan fásta ássamii, lustaáigge ássamii, turismabálvalusaide dahje eará fitnodatdoibmii.
Áššehasat sáhttet skáhppot gárvves duktásaji dahje oassálastit guovllu ovddideapmái ovttasbarggus Meahciráđđehusain ja gielddain.
Sámiid ruovttuguovllus ođđa luopmohuksenbáikkiid vuovdin ja láigoheapmi čuohcá váldooasis lávvaplánejuvvon guovlluide. Lávvaplánekeahtes guovlluin eana vuvdojuvvo, láigohuvvo dahje lonuhuvvo dušše earenoamáš siva vuođul.
Luonddudoalloguovllut
Meahciráđđehus ii ovddit lávvaplánema dahje eará giddodatovddosdikšuma luonddudoalloguovlluin. Guovlluid geavaheami guoskevaš čovdosiid gárvvistettiin čuovvut fámus lean meannudemiid ja ordnet dárbbašlaš ráđđádallamiid ja gullamiid.
Luonddudoalloguovllut leat sámiid ruovttuguovllus lean stáhta eanaguovllut. Dat leat eanaš Davvi-Sámi váldogeainnuid guoras geainnuid ja meahcceguovllu ja suodjalanguovlluid gaskkas.
Luonddudoalloguovlluin mihttomearrin lea doarjut báikkálaš geavahanhámiid ja ealáhusaid. Daid guovddáš geavahanhámit leat boazodoallu, earát luondduealáhusat sihke meahcce- ja guollebivdu.
Meahciráđđehus hálddaša luonddudoalloguovlluid oassin stáhta eanaopmodagas. Guovlluid geavaheami plánedettiin váldit vuhtii guovllu sierrasárgosiid ja sámekultuvrra hárjeheami eavttut ja árbevirolaš ealáhusat.
Geavahanrievttit stáhta guovlluide
Meahciráđđehus mieđiha geavahanrivttiid stáhta eana- ja čáhceguovlluide dalle, go doaibma ii gáibit guovllu láigoheami. Geavahanrivttiid sáhttá mieđihit ovdamearkan máđijaid, ráhkadusaid, johtasiid, kábeliid dahje eará dávisteaddji anu várás.
Sámiid ruovttuguovllus geavahanrivttiid mieđiheamis váldojit vuhtii guovllu eará atnu sihke fámus lean gullan- ja ráđđádallanmeannudeamit. Turismii gullevaš geavahanrivttiid ja máđijaid gieđahaladettiin gullat dárbbu mielde guovllu doaibmiid ja bálgosiid.
Loga lasi: Doaibma sámiid ruovttuguovllus
