Idjadeapmi

Meahciráđđehus fállá vánddardeaddjiide idjadanbáikin sihke nuvttá stobuid ja mávssuvuollásaš stobuid ja barttaid. Stáhtaeatnamiin leat maiddái gohttensajit, maid Meahciráđđehus lea láigohan priváhta fitnodatdoalliide.

Stobut

Nuvttá, rabas stobuin dábáleamos ja eanemus dovdosat leat ávdinstobut. Stobut leat dábálaččat geainnohis guovlluin riikamet davvi- ja nuortaosiin. Eará rabas stobut leat beaiveatnui oaivvilduvvon beaivestobut. Maiddái rabas lean gámmet ja dimbbargoađit leat vuogas vuoiŋŋastansajit beaivit, muhto dain sáhttá spiehkastatdiliin maiddái oažžut suoji idjadeami várás.

Geavahemiin mávssuvuollásaš, várrenvuollásaš ja lohkkaduvvon stobuid, sáhtát dáhkidit alccesat sihkkaris idjasaji. Mávssuvuollásaš stobut leat oanehisáigge atnui oaivvilduvvon várrenstobut ja várrengámmet ja láigostobut. Várrenstobuin ja -gámmiin várrejuvvo seaŋgasadji. Láigostohpu fas láigohuvvo obban láigoheaddji iežas atnui.

Gohttenguovllut

Gohttenguovllut leat čuovvovaš čuozáhagain:

Láigobarttat

Lassin Meahciráđđehus oamasta logiid láigobarttaid, mat láigohuvvojit oanehisáigásaččat.  Dat leat dábálaččat stuorát go láigostobut. Láigobarttat leat máddin davás ja daid várrenáigi lea moatti beaivvis vahkkui. Láigobarttaideamet várrendoaimma ja áššehasbálvalusa dikšu Lomarengas Oy. Meahciráđđehusa láigobarttat leat meahccebarttat Villi Pohjola -buvttamearkkain.