Guovlluekologalaš plánen

Guovlluekologalaš plánemis viiddis meahcceguovllu guorahallet oktan oppalašvuohta, masa gullet sihke luonddusuodjalanguovllut ja stáhta lotnolasgeavahusvuovddit oktan sierračuozáhagaiguin

Stáhta eatnamiid ekologalaš fierpmádat šaddá luonddusuodjalanguovlluin ja lotnolasgeavahusvuvddiid árvvolaš luonddu- ja sierračuozáhagain ja daid gaskkas johtán ekologalaš manahagain ja ng. lávkengeđggiin, maid mielde šaddo- ja eallišlájat besset leavvat. Vuovdedoallu lea dáid guovlluin ráddjejuvvon dahje guovllut leat vuovdedoalloanu olggobealde.

Oahpásmuva guovlluekologalaš fierpmádaga čuozáhagaide

Guovlluekologalaš fierpmádaga dieđut leat almmustahtton Meahciráđđehusa Retkikartta-kártabálvalusas.

Dieđut stáhta lotnolasgeavahusvuvddiid sajádagain ja dain lean sierrasárgosiin leat almmustahtton iežas kártadásiin.

Bálvalusas oidnojit oalát doaimma olggobeallái ráddjejuvvon luonddučuozáhagat dego árdnameahcit ja rođut sihke eará sierračuozáhagat dego eanadat- ja vánddardanguovllut sihke eará čuozáhagat, main doaibmat daid sierrasárgosiid vuhtii váldán vugiin.

Lotnolasgeavahusvuvddiid oainnusčuozáhagat, ovdamearkan kulturárbečuozáhagat ja luonddumuitomearkkat, oažžu oidnosii oainnusčuozáhatváljus.

Retkikartta.fi:s almmustahtton materiála mielde áhpásmuhttinatnui heivvolaš luonddu čuozáhagaid ja máŋggahámatvuođas beales áidnalunddot luonddučuozáhagaid gávdnan lea ain álkit.

Guovlluekologalaš plánema mihttomearrin lea maiddái dorvvastit vuvddiid lotnolasávkkástallan ja luondduealáhusaid hárjeheapmi. Dán várás plánemis kártejuvvojit fuođđu eallinbirrasat, eanadatárvvut ja kulturčuozáhagat. Davvi-Suomas boazodoalu dárbbut leat dehálaš sajis. Luonddu áhpásmuhttinanu vejolašvuođat váldojuvvojit eandalii vuhtii turismma dáfus dehálaš guovlluin.

Meahciráđđehus lea dahkan guovlluekologalaš plánema jo badjel 20 jagi. Guovlluekologalaš plánen gárgehuvvui Meahciráđđehusa ja Suoma birasguovddáža ovttasbargun 1990-logus Suoma diliide heivvolažžan Landscape ecoloy -mállen. Álggu rájes mihttomearrin lei guovllu lunddolaš máŋggahámatvuođa seailluheapmi guhkes áigegaskkas. Dát oaivvilda sihke guovllu lunddolaš ekosystema- ja eallinbirastiippaid seailluheapmin ja daidda lunddolaš šlájaid suodjaleapmi. Plánema vuolggasadjin lea guovllus lean dilli ja mihttomearrin otná beaivve dovdojuvvon eallišlájaid seailun eallinfámolaš populašuvdnan.

Jagiid mielde fierpmádat lea dievasmahtton earálágan luondduinventeremiid, ođđa suodjalanmearrádusaid ja doaibmabidjoplánema oktavuođas.

Guovlluekologaš fierpmádaga beaivvádahttinbargu 2015 – 2020

Ollašuhtiimet viiddis guovlluekologalaš fierpmádaga beaivvádahttinbarggu jagiid 2015 – 2020. Álggos gárvvisteimmet guovlluekologalaš guorahallama prinsihpaid ja meannudangovvádusa guovlluekologalaš fierpmádaga oktilažžan ja áiggedássái dahkamii.

Rávvagiid vuođul dárkkisteimmet ja beaivádeimmet guovlluekologalaš fierpmádagaid guovlluid mielde. Beaivádanbarggus árvvoštalaimet guovlluekologalaš fierpmádaga doaibmama ja dagaimet fierpmádahkii dárbbašlaš divvumiid ja beaivádemiid. Seammás ozaimet ođđa vejolaš luonddu- ja sierračuozáhagaid.

Guovlluekologalaš fierpmádagaid beaivádanbarggu ovdáneapmái sáhtát oahpásmuvvat čuovvovaš siidduid bokte.

Lassidieđut