Galledeaddjimearit

Meahciráđđehus čoaggá stáhta suodjalan- ja vánddardanguovlluin ja áššehasbálvalanbáikkiin galledeaddjimeriid. Galledeaddjimeriid čoaggin dáhpáhuvvá máŋggain eará vugiiguin, eanaš elektrovnnalaš galledeaddjirehkenastiiguin, maiguin oažžut dieđu sierra máđijaid ja meahccebálvalusaid geavaheadjiin. Lassin čoaggit máhcahaga ja dahkat čielggadusaid.

Meahciráđđehusa dikšon stáhta suodjalanguovlluid ja áššehasbálvalanbáikkiid oppalašgalledeaddjimearri jagi 2023 lei sullii 8,7 miljon galledeami, main sullii 7,5 miljon ledje meahccečuozáhagain ja badjel 1,2 miljon galledeami áššehasbálvalanbáikkiin. Dán lassin árbedáluin ja luonddustobuin gallededje 39 800 geardde.

Logus leat mielde álbmotmehciid lassin stáhta vánddardanguovllut ja eará áhpásmuhttinanu dáfus fuopmášahtti suodjalanguovllut ja vánddardančuozáhagat. Luondduguovddážat ja earát luonddus lihkadeaddjiid bálvalanbáikkit doibmet eanaš álbmotmehciid lagašguovllus 

Galledeaddjimearit ja báikkálašekonomiija 

Álbmotmeahcit ja earát vánddardanbáikkit leat dehálaččat báikkálašekonomiijai. Gaskamearálaččat álbmotmehciid galledeaddjiid ruhtageavaheapmi buktá lagašguvlui badjel 10 euro juohke álbmotmeahci vánddardanbálvalusaide ja luondduguovddážiidda investerejuvvon euro ala. Stáhta ruhtada bušeahttaruđaiguin álbmotmehciid ja vánddardanbálvalusaid vuođđobálvalusaid. Ealáhussektor buktá lagašguvlui mávssu vuollásaš turismabálvalusaid. 

Bálvalusaid geavaheaddjiin diehtu ovddideami veahkkin 

Váldit vuostá máhcahaga vuostá vánddardanbálvalusaideamet geavaheaddjiin máŋgga eará kanála bokte dego neahttasiidduid máhcahatskoviin dahje njálmmálaččat. Dahkat maiddái galledeaddjidutkamušaid ja kártet guovlluid fitnodatdoalliid ovddidansávaldagaid.