Guolástanlobit

Guollebivdui dárbbaša guolleváriiddikšunmávssu ja čáhceguovllu oamasteaddji lobi. Sihke guolleváriiddikšunmávssu ja stáhta guolástanlobiid oažžu Meahciráđđehusa Eräluvat-bálvalusas. Guolástanlobit priváhta čáhceguovlluide ostojuvvojit čáhceguovlluid oamasteaddjiin, ovdamearkan osolašgottiin.

Buohkat 18-64 –jahkásaččat mákset vuos stáhta guolleváriiddikšunmávssu dahje guollekoartta. Dušše rudneoaggumii, oaggumii dahje sallitvuggii ii dárbbaš guolleváriiddikšunmávssu. Guolleváriiddikšunmávssuin oažžu jo bivdit ovttain stákkuin stuorámus oasis riikkas. Dat čáhceguovllut, maidda stággobivdi dárbbaša lasselobi, čilget Ebi-guovddáža bajásdoallan Kalastusrajoitus.fi-bálvalusas.

Lustaáigge guolásteaddjit sáhttet oastit stáhta čáziide čuozáhagaid guovdu guolástanlobi stággobivdui, bivddusbivdui dahje reabbábivdui. Stággobivdoguovllut ja bivddusguovllut leat goappátge badjel 50. Davvi-Sámis báikkálaččat sáhttet skáhppot Meahciráđđehusas nuvttá guolástanlobi ruovttugielddas lean stáhta čáhceguovlluide. Sidjiide maiddái vuvdojuvvo sierra áigodatlohpi iežas gieldda johkaguovlluide, mat leat dápmoha ja luosa goargŋunguovllut.

Gávppálaš guollebivdit sáhttet ohcat Meahciráđđehusas guolástanlobi ealáhusas hárjeheami várás.

Guolástanlohperuđaid geavaheapmi

Meahciráđđehusa guolástanlobiin ii čoggo ruhta stáhtii. Guolástanlobiid hattit leat meroštallon nu, ahte dain gokčat guollebivddu plánemis, vuovdimis ja guollečáziid dikšumis šaddan goluid. Guolásteaddjit ieža goasttidit guolástanvejolašvuođaid stáhta čáziin. Guolástanlohpeboađuiguin buoridat guliid eallinbirrasiid, dego luossaguliid gođđanguovlluid ja golganguovlluid.

Stáhta guolleváriiddikšunmávssut máksojuvvojit njuolga eana- ja meahccedoalloministeriija, mii stivre ruđaid guolástanlága mielde guliid eallinbirrasiid dikšumii, bearráigehččui, rávvemii, čáhceguovllu oamasteaddjiide máksojuvvon buhtadusaide ja mávssu čoaggimis šaddan goluide.

Lassidieđut