Juovlamuorralohpi

Juovlamuora sáhttá viežžat stáhta vuovddis dihto guovlluin, go lea vuos oastán dasa lobi. Juovlamuorralobi haddi lea 10 euro (sis. álv. 24 %)

Makkáraš vuovddis muora sáhttá viežžat?

Juovlamuorralobi sáhttá oastit Lappi, Davvebađaeatnama ja Kainuu eanagottiid guovlluide. Mátta-, Gaska-, Oarje- ja Nuorta-Suomas lohpevuovdin ii leat, dasgo guovlluin leat viehka unnán stáhta vuovddit, ja dat leat bieđgguid. Lassin oassi vuvddiin leat earenoamášgeavahusas dahje suodjalusas.

Lobi oasti ferte sihkkarastit ahte guovlu gullá Meahciráđđehusa vuovdedoallogeavahusa vuvddiide. Álkimusat ášši sáhttá dárkkistit Retkikartta.fi:s (suomagillii) dásis ”Lotnolasgeavahanvuovddit”. Bija maiddái eará dásiid ala, ja dárkkis, ahte čuozáhagas ii leat eará ráddjejeaddji geavahus, dahje badjálas dássi.

Dárkkis ahte guovllus, gos vieččat muora, eai leat earát geavahanráddjehusat. Doala buot dásiid oidnosis, vai oainnát ráddjehusaid.

Dárkkis ahte guovllus, gos vieččat muora, eai leat earát geavahanráddjehusat. Doala buot dásiid oidnosis, vai oainnát ráddjehusaid.

Juovlamuora ii oaččo viežžat

  • Suodjalan- dahje vánddardanguovlluin dahje earáin earenoamášgeavaheami guovlluin (dahje kártádásit Suodjalan- ja vánddardanguovllut, Luonddučuozáhagat, Dutkamuš- ja oahpahanvuovddit, Earát earenoamáščuozáhagat. Gč.  govva)
  • Guovllus, gos leat earát lihkadanráddjehusat (dego Bealuštusfámuid hárjehallanguovllut). Ráddjehusaid čujuhit ovdamearkka dihtii šilttat, áiddit ja earát eastagat. Dát eai vealttakeahttá leat merkejuvvon Retkikarttai, muhto ráddjehusaid ferte áicat eanadagas ieš.

Makkáraš juovlamuora sáhttá viežžat?

Lohpi vuoigadahttá viežžat čuovvovašlágan juovlamuora:

  • Juovlamuorra oažžu leat eanemustá golbma mehtera guhkki.
  • Eanodaga, Ohcejoga ja Anára gielddain juovlamuorralobiin juovlamuorran oažžu viežžat dušše beare beazi.
  • Muorra lea geainnu bálddas, eanemustá moattelot mehtera geažes geainnus.
  • Muorra lea lotnolasgeavahanvuovddis mii lea stáhta ekonomiijageavaheami bires (dárkkis earáid ráddjehusaid)

Gos lobi sáhttá oastit?

Go leat sihkkar heivvolaš báikkis, sáhtát oastit juovlamuorralobi

Lobiid oažžu oastit friija eanemustá 5 st./áššehas. Juos háliidat oastit eanet lobiid, váldde oktavuođa Vuovdedoallu Os báikkálaš vuovdeáššedovdái.

Fuomášathan, ahte juovlamuorralobi sáhttá oastit dušše Lappi, Davvebađaeatnama ja Kainuu eanagottiid guovlluide.