Filbmabuvttadeami lobit Meahciráđđehuša hálddašan stáhta guovlluin

Meahciráđđehus hálddaša stáhta fitnodatdoaibmangeavahusas lean lotnolasgeavahanvuvddiid ja čázádagaid sihke suodjalan- ja meahcceguovlluid. Filbmabuvttadeamit dárbbašit dábálaččat lobiid dáin guovlluin doaibmamii.

Govvemii Meahciráđđehusa guovlluin ii dárbbašuvvo sierra lohpi, go gažaldagas lea smávvalágán, buohkaid vuoigatvuođaide vuođđuduvvan doaibman. Luonddusuodjalanguovlluin buohkaid vuoigatvuođat sáhttet leat ráddjejuvvon ja dain sáhttet leat ráddjenoasit, main ii oaččo lihkadit olláge dahje lihkadeapmi lea vejolaš dušše merkejuvvon luottain.

Meahccejohtalus (omd. govvenapparáhtaid fievrrideapmi) gáibida álo lobi nu lotnolasgeavahanvuvddiin go suodjalan- ja meahcceguovlluin. Meahccejohtalusain oaivvilduvvo mohtorfievrruid fievrrideami meahcis geainnuid dahje eananmihtidandoaimmahusain vuođđuduvvon virggálaš mohtorgielkáluottaid olggobealde.

Go doaibmat boazodoalloguovllus galgá vuhtiiváldit boazodoalu earenoamášdárbbuid (guohtunguovllut, guoddináigi jna.) Dáiguin oaččot buoremus dieđuid bálgosa boazoisidis.

Mo doaibmat?

Lobi ohcan

Govvemii guoskevaš lohpeohcamuša galgá dahkat buriin áiggiin ja sáddet čujuhussii kirjaamo(at)metsa.fi. Ohcamušas galgá boahtit ovdan ohcci oktavuođadieđuinis, govvemiid áigemuddu, maid lea ulbmilin govvet, govvenguovlu kártamildosiiguin ja vejolaš meahccejohtalusdárbbut. Girjenkontor sirdá ohcamuša olbmui, gii rávve ohcci lohpeáššiin.

Soames lobiid gieđahallamii dárbbašuvvo Meahciráđđehusas unnimustá guokte vahkku, ja soames lobiin lea maiddái mánotbaji váidináigi.

Suodjalanguovlluin ja earáge guovlluin lihkadit olu vánddardeaddjit, ja dain ordnejuvvojit earálágan dáhpáhusat. Govven ii álo lihkostuva hehttehusaid haga. Dárbbu mielde mii sáhttit evttohit govvemiidda heivvolat áigemuttu dahje báikki.

Gaskaboddosaš ráhkadusat

Earálágan gaskaboddasašge ráhkadusat, dego lávdelágideamit jna., gáibidit álo lobi. Ráhkadusaid dárbbu galgá govvidit lohpeohcamušas. Lassin ohcamušas galgá govvidit dárbbu geavahit Meahciráđđehusa vánddardanráhkadusaid ja stobuid.

Luonddusuodjalan- ja meahcceguovllut

Luonddusuodjalanguovllut leat ee. álbmotmeahcit ja luonddumeahcit. Dáid lassin gávdnojit čuođit earát luonddusuodjalanguovllut. Lappis leat 12 viiddis meahcceguovllu. Luonddusuodjalanguovllut leat vuođđuduvvon riikamet divrasamos luonddu suodjaleapmin. Ja dasa lassin seailluhit meahcceeatnama iešlági ja dorvvastit boazodoalu ja sámekultuvrra hárjeheami gáibádusaid. Luonddusuodjalan- ja meahcceguovlluid guoskevaš lágat ja ásahusat molsašuddet viehka olu. Dáiguin lea meroštallon, makkáraš doaibman guovllus lea lobálaš ja makkáraš gáibida lobi dahje lea gildojuvvon.

Álbmotmehciide, oassái luonddumehciin ja soames earáide luonddusuodjalanguovlluide leat addojuvvon ortnetnjuolggadusat. Dáidda girjejuvvon mearrádusat sáhttet guoskat ovdamearkka dihtii dan, gos ja mainna neavvuin doppe oažžu johtit dahje leatgo johtimii áigái guoskevaš ráddjehusat vaikko áitatvuloš ealánšlájaid dahje bessenáiggiid dihtii. Mearrádusat sáhttet leat maiddái omd. meahccejohtalusas, meahcis idjadeamis, áibmofievrruin ja fuođđo- ja bearráigeahččankámerain.

Čoahkkáigeassu

  • Govvemiid guoskevaš lohpeohcamuša galgá doaimmahit buriin áiggiin čujuhussii kirjaamo(at)metsa.fi.
  • Govvemiin galgá doaibmat guovllu vejolaš njuolggadusaid ja lohpeeavttuid mielde.
  • Govvemat eai oaččo dagahit vahágiid dahje hehttehusaid lundui, kulturárbái dahje vánddardanrhkadusaide.
  • Gárvvis filmmas/somes jed. ii oaččo čájehit suodjalanguovlluin maidege dakkára, maid gažaldatvuloš guovllus ii leat lohpi dahkat guovllu geavahusa guoskevaš njuolggadusaid dahje almmolaš rávvagiid mielde.
  • Jos lea gažaldat oktasašbuvttadeamis, Meahciráđđehus sávvá čielga plána čohkkejuvvon buvttadusa oktasaš oktavuođaolbmo bokte.
  • Lea sávaldat, ahte buvttadeamis luondu buktojuvvo ovdan gudnejahttimin dan.
  • Mii veahkehit hui mielas ee. lohpeáššiin ja addit dieđu guovlluin maid mii dikšut.

Lassediehtu stáhta guovlluin