Biras

Dorvvastat biologalaš máŋggahámatvuođa ja vástidat árvvolaš luonddutiippaid sihke ealli- ja šaddošlájaid suodjaleamis, dikšumis ja čuovvumis guovlluin maid hálddašat. Figgat doaimmaideametguin goahcat dálkkádatrievdama ja vuogáiduvvat dan mielddisbuktá hástalusaide.

Dorvvastat luonddu máŋggahámatvuođa

Luonddu máŋggahámatvuođa dorvvasteamis guorahallat stáhta eatnamiid oppalašvuohtan, mas luonddusuodjalanguovllut ovttas lotnolasgeavahanvuvddiid ekologalaš deháleamos luonddučuozáhagaiguin dahket olles riikka gokčavaš fierpmádaga. Fierpmádaga čuozáhagat leat šlájaid ja eanadaga dáfus eallindehálaččat riikamet luonddu máŋggahámatvuođa seailluheamis 

Čuovvut jahkásaččat luonddu máŋggahámatvuođa dili ovdáneami máŋggahámatvuođaindeavssain. Indeaksa govvida luonddu máŋggahámatvuhtii dehálaš ráhkadussárgosiid, dego mieskamuora mearit, ovdáneami ja luonddu máŋggahámatvuođa seailumii ja ovddideapmái dahkkojuvvon investeremiid, dego luonddučuozáhagaid seailuma ja ovddežiidikšundoaimmaid meari,váikkuheami. 

Goahcat dálkkádatrievdama ja vuogáiduvvat nuppástussii

Suopma lea čatnasan Pariisa dálkkádatsoahpamuša mihttomeriid ollašuhttimii, ja Suoma mihttomearrin lea leat čitnaneutrála jagi 2025 rádjai. Ollašuhttit bealisteamet dáid mihttomeriid ja figgat doaimmaideametguin goahcat dálkkádatrievdama ja vuogáiduvvat dan mielddisbuktán diliide ovddidemiin dárbbašlaš resurssaid ja áššedovdamuša. 

Leat oassin vásttolašvuođaprográmma álggahan Meahciráđđehusa dálkkádatprográmma, man mihttomearrin stáhta eatnamiin lea  

  • gáhttet ja nannet čitnanjieluid ja -vuorkkáid 
  • čielggadit vejolašvuođaid buvttadit ođasmuvvi ávdnasiid ja fállat vejolašvuođaid ođasmuvvi energiija buvttadeapmái fossiila ávdnasiid ja energiija seastima ja buhttema várás ja bázahusaid geahpedeapmin servodaga árvogehtegiin.  
  • seastit ja buhttet fossiila ávdnasiid ja energiija Meahciráđđehusa iežas doaimmas 
  • dorvvastit ekosystemabálvalusaid doaibmama ja ávkkástallat daid fállán vejolašvuođaid dálkkádatrievdama goahcamis ja dasa vuogáiduvvamis. 

ON:id suvdilis ovdáneami mihttomearit 

Sáhttit doaimmaideametguin váikkuhit biras-deaddočuokkesguovllus eandalii mihttomearrái 13: dálkkádatdagut, 14: čázevuoleallin ja 15: eatnama bajábeale eallin.  

Oahpasmuva!

Ovddasvástádus luonddu máŋggahámatvuođas

Meahciráđđehusas lea guovddáš rolla mátkkis čitnaneutrála Suoma guvlui