Servodat

Máŋggalágan ávkkástallandárbbuid ja sávaldagaid lihkostuvvan oktiiheiveheapmi ovttas čanusjoavkkuiguin dahká doaibmamet vuođu. Buvttadat árvvu lasihemiin eanagottiid eallinfámu, dahkamin vejolašvuođaid suvdilis fitnodatdoibmii, máksimin juogadasa stáhtii, ovddidemiin luonddus ožžojuvvon buresveadjinbálvalusaid ja gáhttemiin ealli kulturárbbi ja kulturárbái laktásan ráhkadusaid ja kulturbirrasiid.

Váldit vuhtii doaimmaideametguin boahttevaš sohkabuolvvaid

Luondduriggodatplánen – suvdilis ávkkástallama bargoneavvu

Viidát oassálasti ja luovvi ovttasbargočovdosiid ávkkástallan plánen lea dahkkon stáhta eatnamiin badjel 20 jagi áigge.

Oahpásmuva luondduriggodatplánemii

Doaibmamet stáhta eana- ja čáhceguovlluin vuođđun lea ovttas čanusjoavkkuiguin ja áššehasaiguin gárvvistuvvon luondduriggodatplánat,main linnjejuvvojit stáhta oamastan eana- ja čáhceguovlluid guhkes áigegaskka geavaheapmi ja sihkkarastit doaimma ekonomalaš, sosiála ja kultuvrralaš suvdilvuohta badjel sohkabuolvvaid. 

Plánat dollet sisttis maiddái Meahciráđđehusa strategiijas meroštallon luondduváriid suvdilis ávkkástallama mihttomeriid, dego luonddu máŋggahámatvuođa dorvvasteami ja dálkkádatrievdama goahcama ja dasa vuogáiduvvama. 

Bargu ja eallinfápmu eanagottiide 

Meahciráđđehusa buvttadan ekonomalaš ávki juohkása bálkkáid ja buhtadusaid, vearuid sihke skáhppomiid ja oasusvuoittu hámis servodaga sierra beliide. 

Iežas bargoveaga lassin buvttadat barggu báikkálaš fitnodatdoalliide. Ávkkástallat doaimmaideametguin priváhta fitnodatdoalliid fállán bálvalusaid ja doarjut nu fitnodatdoaimma eandalii smávva báikegottiin. Maiddái vánddardeaddjit, meahcásteaddjit ja earát luonddus lihkadeaddjit buktet lasi barggu ja birgenlági sierra guovlluide riikka. 

Agoartabálvalusaid skáhppomis čuovvut almmolaš skáhppomiid guoskevaš láhkaásaheami. Dán váldoprinsihppa leat dearvvaš gilvvu ovddideapmi sihke fitnodatdoalliid dásseveardásaš ja olgguškeahtes meannudeapmi. Bálvalusbuvttadeaddjit leat čadnon Meahciráđđehusa vásttolašvuođa ja ehtalaš doaimma ovddidan doaimmaheaddjiid doaibmavuohkerávvagii (Supplier Code of Conduct). 

Ovttaveardásaš luondduvásáhusat 

Ovddidat oktan min guimmiiguin luonddus lihkadeami. Álbmotmeahcit sihke earát áhpásmuhttin- ja fuođđogeavaheami čuozáhagat leat dehálaš buresbirgejumi ja dearvvašvuođa gáhttemis. Vejolašvuođat buđaldeapmái ja lihkadeapmái rahpet maiddái uvssaid ovdamearkan mánáide ja nuoraide, maid luondduoktavuohta lea easkka šaddamin. 

Mihttomearrámet lea buvttadit a fállát ovttaveardásaš luondduvásáhusaid ja -bálvalusaid buohkaide. Bajásdoallat logiid easttahis vánddardanbáikkiid, mat heivejit ovdamearkan veahkkeneavvuiguin lihkadeaddjiide dahje álkes máđijaid ohcan olbmuide. 

ON: suvdilis ovdáneami mihttomearit 

Sáhttit doaimmaideametguin servodat-deaddočuokkesguovllus váikkuhit eandalii mihttomeriide 11: suvdilis gávpogat ja servošat ja 12: vásttolaš golaheami ja 17: ovttasbargu ja guoibmevuohta.