Dutkamuš- ja johtinlobit

Luonddusuodjalanguovlluin dáhpáhuvvan dutkamušdoaibmamii dárbbašuvvo dábálaččat dutkamušlohpi. Lassin lihkadeapmái ráddjehusosiin, luonddumehciin ja guovlluin, gos lea láttagielddus, dárbbašuvvo lohpi.

Dutkamušlobi sáhttá mieđihit dalle, go dutkamušas ii šatta hehttehus šlájaide, eallinbirrasii, suodjalanguovllu dikšumii ja eará geavaheapmái. Dakkáraš meannudandutkamušaid ja geahččalemiid, mat sáhttet dagahit vahátlaš dahje ovddalgihtii árvitmeahttun nuppástusaid luonddus, galgá dahkat suodjalanguovllu olggobealde. Lobi mieđiheapmi gáibida áššáigullevaš dutkamušplána, man galgá laktit lohpeohcamuššii.

Lohpi galgá ohcat čálalaččat

Govven luonddusuodjalanguovllus lea lobálaš lihkadanráddjehusaid rámmain, muhto gáibádussan lea, ahte dat ii dagat vahága dahje hehttehusa ealliide dahje šattolašvuhtii. Dán sivas ealliid govven beasis ii leat lobálaš luonddusuodjalanguovlluin. Ráppi doallan dušše govvema várás ii luonddusuodjalanguovllus leat lobálaš, iige dábálaččat maiddái gaskaboddasaš ráhkadusaid ceggen.

Luonddusuodjalanguovlluid olggobeale guovlluide ohccojuvvo dutkamuš- ja lihkadanlohpi seammá skoviin go luonddusuodjalanguovlluide. Dalle ii leat gažaldagas virgeoapmahašmearrádus, mas lea váidináigi. Nuba ohcanmeannudeapmi lea mearreáiggiid dáfus soddjilut go luonddusuodjalanguovlluin.

Rávvagat lobi ohcamii

Lohpeohcamuš dahkkojuvvo čálalaččat ohcamušskoviin, ja dan galgá doaimmahit Meahciráđđehussii unnimustá 2 mánotbaji ovdal lobi sávvojuvvon álgináiggi.

Fuom! Lohpi mii addojuvvo virgeoapmahašmearrádussan boahtá fápmui áramustá 30 beaivvi maŋŋá lohpemearrádusas, dasgo lohpemearrádusas lea 30 beaivvi váidináigi.

Ohcamušas dárbbašuvvon dieđut:

Sáddenčujuhus ja vuostáiváldi

  • ohcamuš sáddejuvvo juogo šleađgapoasttain čujuhussii kirjaamo(at)metsa.fi
    dahje
  • reiven čujuhussii Metsähallitus / kirjaamo, PL 94, 01301 Vantaa

Sisdoallu

  • Lobi ohcci namma, čujuhus, telefovdna ja šleađgapoastačujuhus
  • Áigemuddu, masa lohpi ohccojuvvo
  • Guovlu, gosa lohpi ohccojuvvo
  • Gielda/gielddat, maid ohcamuš guoská
  • Lobi ulbmil ja ákkat lobi dárbui
  • Vejolaš earenoamášdárbbut, omd. gaskaboddasaš ráhkadusaid huksen
  • Ohcamuša beaivemearri.

Dutkamušlohpeohcamuša mildosat

Lasi diehtu suodjalanguovlluid geavaheamis dutkamušbargui ja lobiin