Dáhpáhusaid ordnen ja gohtten Meahciráđđehusa hálddašan eatnamiin

Meahciráđđehusa luonddusuodjalanguovlluide dahje lotnolasgeavahanvuvddiide plánejuvvon dáhpáhusain dahje stuorra joavkkuid gohttemis galgá dahkat almmuhusa Meahciráđđehussii.

Dáhpáhusalmmuhusa galgá dahkat, go sáhka lea ovdamearkan meahccegilvvohallamis, olgodáhpáhusas, stuorra joavkku gohttemis dahje guhkes áiggi gohttemis seammá sajis. Ovdalis máinnašuvvon ja daid dávisteaddji dáhpáhusat gáibidit eanaeaiggáda miehtama. Almmuhusa galgá dhakat buriin áiggiin, unnimustá guokte mánotbaji ovdal dáhpáhusa, vai ášši gieđahallamii báhcá doarvái áigi.

Dáhpáhusa ii oaččo márkanastit dahje almmustahttit ovdal go dáhpáhusalmmuhus lea gieđahallon Dáhpáhusalmmuhus dahkkojuvvo elektrovnnalaš skoviin

Dáhpáhusalmmuhus, skovvi (webropolsurveys.com)

Almmuhusa galgá dahkat maiddái dalle, jus lea eahpečielggas das, heivego dáhpáhus dahje gohtten omd. luonddusuodjalanguvlui. Dáhpáhusalmmuhusas galgá govvidit buoremus vejolaš lági mielde dáhpáhusa dieđuid ja omd. dárbbuid gaskaboddasaš ráhkadusaid ceggemii dahje meahccejohtalussii. Almmuhus ii atte rievtti spiehkkasit guovllu ráfáiduhttinmearrádusain.

Meahciráđđehusa kártabálvalusas sáhtát dárkkistit, leago plánejuvvon dáhpáhusčuozáhat dahje gohttensadji stáhta eatnamiin ja leago dat lotnolasgeavahanvuovddis vai luonddusuodjalanguovllus:

Muhtun dáhpáhusain dušše almmuhus lea doarvái iige miehtamii leat dárbu. Jus dáhpáhussii dahje guhkesáigásaš gohttemii dárbbašuvvo eanaeaiggáda girjjálaš miehtan, Meahciráđđehusas leat oktavuođas almmuheaddjái. Eanaeaiggáda dáhpáhussii miehtamiin berrojuvvo máksu. Miehtama minimahaddi lea 80 € + álv 24 % ja vejolaš lassebargguin čállojuvvo rehket 50 € + álv 24 %) / diibmu.

Jus dáhpáhusordnejeaddji doarjalastá dáhpáhusas Meahciráđđehusa bajásdoallan vánddardeami bálvalanrusttegiidda ja máđijaide ja bearrá oassálastin- dahje beassanmávssuid, ordnejeaddjis berrojuvvo oassálastimeari vuođul geavahanmáksu beivviid guovdu, mii lea 1,25 euro/áššehas/bv (+ alv 24 %).

Almmuhemiin dáhpáhusain ovddalgihtii sáhttá vealtit badjálasvuođaid ja guovlluid bahkašuvvama.

Lobi dahje almmuhusa ii dárbbaš

  • Smávvalundot, vuollel 10 oasseváldi dáhpáhusa dahje -tuvrra ordnemii
  • Čuovgagovvemii, jus das ii šatta hehttehus dahje njuolggo áitta ealliide ja šattolašvuhtii ja jus das ii ávkkástallo čiegusluoggu. Lassedieđut govvendoaimmas.
  • Oanehisáiggi gohttemii (1–2 jdr) čujuhuvvon guovlluin dahje eará juohkehaččarivttiiguin dáhpáhuvvan doibmii.

Álbmotmehciid ávkkástallan stivrejuvvo ortnetnjuolggadusain. Maiddái eará luonddusuodjalanguovlluin juohkehaččarivttiid leat sáhttán ráddjet.

Guovlluin galgá čuovvut ruskkahis vánddardeami prinsihpa. Dáhpáhusordnejeaddji doallá dáhpáhusbáikki ja dan lagašbirrasa čorgadin dáhpáhusa áigge sihke doalvu ruskkaid ja eará bázahusaid iežas goasttádusain eret dáhpáhusbáikkis dalánaga dáhpáhusa maŋŋá.

Lassedieđut