Vuovdedoalu birasčuovvun

Meahciráđđehusa Vuovdedoallu OS:a barggu lihkostuvvan vuođđuduvvá buori doaibmabidjoplánemii ja barggu ámmátdáiddolaš ollašuhttimii. Čuovvut bargomet luotta jahkásaš birasčuovvuma dahkamiin. Maiddái ISO-birasvuogádaga ja meahccesertifiserema doaimmalašvuođa ja beaktilvuođa čuovvut sihke siskkáldas ja olgguldas auditeremiiguin.

Ympäristönseurannan maastotarkastus vesiensuojelukohteella. Puroon johtava oja katkaistu.

Muorarádjama birasčuovvumiin dárkkistat earret eará luonddučuozáhagaid iešvuođalágiid seailuma čuohppamiin, seastinmuoraid meari ja šlája, čuohppamiid eanadat- ja čáziidsuodjalangeahččančiegaid ja fuođđorođuid guođđima.

Eanahábmema ja ordnenájabargguid čuovvumiidda gullá čáziiddikšunvugiid plánema ja ollašuvvama árvvoštallan. Lassin čuovvumat dahkkojuvvojit energiijamuorarádjamis ja geaidnoráhkadeamis.

Jeavddalaš čuovvumiin sihkkarastit, ahte doaibma lea rávvagiid mielde ja doaibmabijuid birasdikšuma dássi lea allat. Čuovvumiid bohtosat guorahallojuvvojit jođihanjoavkkuin ja guovlluid bargojoavkodeaivvademiin.

Lassin elektrovnnalaš AHJO-máhttinbirrasiin buoridat Meahciráđđehussii agoartaváldán fitnodatdoalliid ja iežas doaibmaolbmuid birasčehppodaga. Plánemis anus leat ee. báikediehtovuogádaga čáziidsuodjalanbargoneavvut.

Jagi 2019 čuovvumiid bohtosat  

Geassit 2020 dahkkojuvvon muorarádjama birasčuovvumiin ledje vuosttas geardde guorahallamis ođđa birasofelačča mielde ollašuhtton ođasmahttinčuohppamat. 2018 atnui váldojuvvon birasofelačča guovddáš nuppástusat čuohppamiid dáfus ledje jápmán muora rádjamis luohpan, fuođđorođuid meari lasiheapmi ja beaiváduvvon árvvolaš seastinmuora kritearat. Nuppástusat oidnojit čielgasit čuohppanguvlui guđđojuvvon muoradaga mearis.

Vuovdedoalu birasofelaččas oaivvilduvvon árvvolaš ealli seastinmuorat ledje gaskamearálaččat 13,4 muora hektáras. Jápmán muora rádjan lea loahpahuvvon, mii lasiha čuohppanviidodahkii báhcán oppalašmuoradaga meari fuopmášahtti láhkai. Jus ođastanviidodagas ii leat lunddolaččat valjis jápmán muorra, lasihuvvo dan mearri koanstastohkiid dahkamiin. Koanstastohkiid aktiiva dahkan lasiha bealistis máŋggahámatvuođa.

Ođđa birasofelačča mielde ođastanviidodaga njáskamis báikái guđđet fuođđorođuid badjel golmmageardásaš meari ovddit rávvaga ektui. Fuođđorođut fállet suoji ja buoridit čielgasit meahccevuoncceslottiid besiide seailuma. Čuovvumiid mielde fuođđorođuid mearri lea lassánan, muhto eat velge leat mihttomeari dásis.

Ođastanviidodagaid luonddučuozáhagat seilot muorarádjamis nuppástuvakeahttá.

Ordnenájabargguin ja eanahábmemis doaibmabijut plánejuvvojit nu, ahte giddesávdnasat ja biebmoávdnasat eai beasa čázádagaide. Jávrriid, jogaid, ádjagiid ja gálduid birrasii guđđojuvvojit doarvái stuorra suodjeavádagat čázádathehttehusaid dustema dihtii. Maŋimuš jagiid bohtosiid vuođul čáziidsuodjaleamis leat lihkostuvvan bures. Ordnenájabargguid beales čuovvuma ollašuhtii Tapio Palvelut Oy. Tapio ollašuhttá birasčuovvuma mielde Meahciráđđehusa ordnenájabargoeatnamiid čáziidsuodjaleapmi deavdá gáibádusaid.

Čuohppanbázahusaid rádjan lea eanaš Mátta-Suomas. Birasčuovvuma geahččančiegas doaibma lea buorre dásis.