Meahciráđđehusa strategiija ja vásttolašvuođaprográmma

Meahciráđđehus ođasmahtii strategiijas áigodahkii 2021-2024. Ođđa Šaddadat ihttáža -strategiijas meroštallet Meahciráđđehusa doaimma guovddáš mihttomeriid ja doaimma guoskevaš linnjemiid.

Strategiijas leat váldon vuhtii ođđa oamasteaddjipolitihkalaš linnjemiid ja nuppástuvvi doaibmabirrasa. Strategiijain ovddidat riikkaidgaskasaš soahpamušaid dego ON:id suvdilis ovdáneami mihttomeriid ollašuvvama.

Meahciráđđehusa vásttolašvuođaprográmma lea integrerejuvvon strategiijai ja bránda lea strategiija ađđamis. Strategiijain vástidat áššehasaid ja čanusjoavkkuid vuordámušaide. Ođđa linnjemat duvdet rabas háleštallamii ja vuorrováikkuhussii ja nannejit Meahciráđđehusa oktiiheiveheaddji doaibmakultuvrra.

Vihtta strategalaš temá ja daidda laktásan lohpádusa

Meahciráđđehusa višuvdna čoahkkana viđa temás, mat leat vásttolašvuohta ja ovttasbargu, dálkkádatnuppástus, luonddu máŋggahámatvuohta, buresbirgejupmi ja biodoallu. Guđege višuvnna temá sisttisdoallá strategalaš lohpádus:

Vásttolašvuohta ja ovttasbargu:

• Hukset luohttámuša rabas vuorrováikkuhusain ja lohpidat ovddidat eanet áššehasa viŋkila ja digitála ovttasbarggu hámiid.
• Viiddidat vásttolaš ja ehtalaš doaibmavugiid oppa min árvogehtegis.

Dálkkádatnuppástus:

• Dahkat golmmageardásažžan ođasmuvvi energiija buvttadeami jagi 2030 rádjai.
• Šaddadat lotnolasgeavahanvuvddiid čitnanjieluid 10 proseanttain jagi 2035 rádjai.
• Šaddadat stáhta eatnamiid muoraid čitnavuorkká 10 proseanttain jagi 2035 rádjai.

Luonddu máŋggahámatvuohta:

• Beavttálmahttit aktiiva doaimmaid šlájaid ja luonddutiippaid áittavulošovdáneami bisseheapmin.
• Ordnet hedjonan eallinbirrasiid suodjalanguovlluin 17 000 hektára ja fitnodatdoaimma guovlluin 4 760 hektára jagi 2023 rádjai.
• Bajidat luonddusuodjalanfierpmádaga dikšuma máilmmiluohkkái ee. dan ekologalaš dili buorideapmin.
• Buoridat luondduváriid ávkkástallama suvdilisvuođa mihttomearrin luonddu máŋggahámatvuođa hedjoneami minimaliseren.

Buresveadjin:

• Lasihat buohkaide dearvvašvuođa ja buresveadjima ovddidan luonddu- ja fuođđoeallámušaid ja áhpásmuhttinvejolašvuođaid.
• Fitnodatdoaibmamet buvttada 114 milj. euro stáhtii sisaboađu jagi 2024 rádjai.
• Addit barggu ja nannet guovlluekonomiijaid eandalii bieđggosássanguovlluin.
• Buoridat guimmiid vejolašvuođaid ovddidit dorvvolaš ja suvdilis luonddu- ja fuođđoturismma min čuozáhagain.

Biodoallu:

• Ovddidat ja buvttadat suvdilis čovdosiid boahttevuođa ođđa buktagiidda ja bálvalusaide, mainna sirdásit fossiiladoalus biodollui.
• Leat suvdilis vuovdedoalu ovdavázzi.

Vásttolašvuođaprográmma stivre buot min bargguid

Meahciráđđehusa vásttolašvuođaprográmma lea integrerejuvvon nannosit strategiijai. Olles organisašuvnna čađačuohppan prográmma sihke ovddida strategiija čuvvon doaimma ja doarju min mihttomeriimet fáhtema. Lassin dat buktá vásttolašvuođabargomet gudneáŋgirvuođa ja mihtidanvuollásašvuođa. Vásttolašvuođaprográmma čoahkkana njealji oassesuorggis: Jođiheapmi, Olbmot, Servodat ja Biras.

Vásttolašvuođabarggu deaŧalaš temát

Leat identifiseren Meahciráđđehusa deaŧalašvuođaanalysas vásttolaš doaimma deaŧaleamos temáid iežamet doaimma ja min čanusjoavkkuid viŋkilis. Temát stivrejit vásttolašvuođa ja meroštallet mihttomeriid, maid váikkuheaddjivuođa mihtidat ja main raporteret jahkásaččat. Temáin leat mielde lágasásahuvvon ja eai lágasásahuvvon temát ja dat sáhttet čuohppat máŋggaid vásttolašvuođaprográmma deaddočuokkesguovlluid.

Meroštallamis leat ávkkástallan čanusjoavkodihtoštemiid, Meahciráđđehusa vásttolašvuođajoavkku čehppodaga ja jođiheami oainnu. Deaŧalašvuođaanalysa lea beaiváduvvon jagi 2020 áigge.

Vásttolašvuođa deaŧaleamos temát:

• Ehtalaš jođiheapmi
• Buorre hálddašeapmi
• Luonddu máŋggahámatvuođa dorvvasteapmi
• Dálkkádatrievdama dusten ja nuppástussii vuogáiduvvan
• Fuolaheapmi bargoveagas
• Olmmoš- ja bargovuoigatvuođat iežas ja guimmiid doaimmas
• Stáhta eatnamiidda ja čáziide čuohcán dárbbuid oktiiheiveheapmi
• Luondduváriid suvdilis ávkkástallan
• Eanagottiid eallinfámolašvuohta
• Luonddu áhpásmuhttinatnu

Meahciráđđehus lea maiddái čatnasan ovddidit doaimmastis ON:id suvdilis ovdáneami mihttomeriid. Leat maiddái vásttolašvuođafierpmádat FIBS Pro -bálvalusa lahttu.

Čoaggit jeavddalaččat dieđu vásttolašvuođabarggu mihttomeriid fáhtemis ja raporteret das sihke organisašuvnna siste ja dan olggobealde. Dieđut almmustahttojuvvojit jahke- ja vásttolašvuođamuitalus. Raporteret jahkásaččat maiddái Meahciráđđehuslágas ásahuvvon servodatlaš geatnegasvuođaid investeremiin ja daid váikkuheaddjivuođas.