Meahciráđđehusa strategiija ja vásttolašvuođaprográmma

Vásttolašvuohta stivre buot min doaimmaid. Dat lea heivehuvvon Meahciráđđehusa árvvuide, strategiijai ja doaimma jođiheapmái, ollašuhttimii ja ovddideapmái.

Mies kipuaa vaaran rinnettä ylös sumuinen vaaramaisema takanaan.
Govva: Eeva Mäkinen

Meahciráđđehusas vásttolašvuohta ovddida strategiija čuvvon doaimma ja doarju strategalaš mihttomeriid fáhtema. Dálá strategiija dihkkáda Meahciráđđehusa doaimma jagi 2020 rádjai. Áigodaga 2020 – 2024 strategiijabargu álggahuvvui jagi 2020 álggus.

Strategalaš linnjemiid mielde

  • Dáhkidat stáhta eatnamiid ja čáziid buoremus suvdilis ávkki badjel sohkabuolvvaid ja lasihemiin buresbirgejumi ja guovlluid eallinfámu.
  • Máŋggabealat bio- ja gierdodoalu ovdavázzin heivehat oktii stáhta eatnamiidda ja čáziide čuohcán vuordámušaid vásttolaččat ja vuorrováikkuhusain.
  • Vástidat globála hástalusaide innovatiivvalaš ja suvdilis čovdosiin. Dorvvastat biologalaš máŋggahámatvuođa seailuma ja doaibmat dálkkádatviisát.
  • Fállat ovttaveardásaš bálvalusaid buohkaide. Áššehas guovddážis, digitála bálvalusaid fáhtehahttivuohta ja guoibmevuođat leat ovddideami vuolggačuoggát.
  • Doaibmat oktilaččat ja beaktilit, dihtui vuođđuduvvan ja ehtalaš jođiheapmi ja máŋggahámat bargosearvvuš dorjot min lihkostuvvama.

Vásttolašvuođaprográmma stivre buot min bargguid

Meahciráđđehusa vásttolašvuođaprográmma lea oppa organisašuvnna čađačuohppi doaibmaprográmma, Dat doarju strategiija ja buktá vásttolašvuođabargomet gudneáŋgirvuođa ja mihtidahttivuođa. Vásttolašvuođaprográmma čoahkkana njealji oassesuorggis: Jođiheapmi, Olbmot, Servodat ja Biras. Vásttolašvuođaprográmma lea huksejuvvon 23 deaŧalaš vásttolašvuođatemá birra.

Deaŧalašvuođameroštallamis leat ávkkástallan čanusjoavkogulaskuddamiid, Meahciráđđehusa vásttolašvuođabargojoavkku čehppodaga ja jođiheami oainnu. Deaŧalašvuođaanalysa beaivádeapmi lea jođus ođđa oamasteaddjipolitihkalaš linnjemiid vuođul.

Olennaisuusmatriisi kertoo, miten vastuullisuuden teemat sijoittuvat.

Deaŧalašvuođaanalysa vásttolašvuođatemát:

  1. Stáhta eatnamiidda ja čáziide čuohcán dárbbuid oktiiheiveheapmi ja oassálasti plánen.
  2. Stáhta eatnamiid ja čáziid buoremus suvdilis bohtosa dáhkideapmi badjel sohkabuolvvaid.
  3. Biologalaš máŋggahámatvuođa dorvvasteapmi.
  4. Ekobeaktilisvuođa buorideapmi.
  5. Dálkkádatnuppástusa goahcan ja dasa ráhkkaneapmi.
  6. Luondduturismma ja áhpásmuhttinanu ovddideapmi.
  7. Stáhta mearra- ja sisčáhceguovlluid buori dili ja suvdilis ávkkástallama ovddideapmi.
  8. Suvdilis vuovdedoalu ovddideapmi.
  9. Fuolaheapmi bargoveagas.
  10. Eallinfámolaš fuođđo- ja guollenálit ja daid dikšun.
  11. Kulturárbečuozáhagaid ja immateriála kulturárbbi gáhtten stáhta eatnamiin ja čáziin.
  12. Luondduváriide ja daid ávkkástallamii laktásan áiggedási ja luohtehatti diehtomáddodaga ja árktalaš čehppodaga bajásdoallan.
  13. Eanagottiid eallinfámolašvuođa lasiheapmi ja barggolašvuođa ovddideapmi.
  14. Guoibmevuođaid ja čanusjoavkoovttasbarggu ovddideapmi.
  15. Olmmoš- ja bargovuoigatvuođaid gudnejahttin buot doaimmas.
  16. Muora ja eará luondduváriid suvdilis ávkkástallama dohkkehahttivuohta.
  17. Sámekultuvra hárjeheami eavttuid dorvvasteapmi.
  18. Suvdilis meahcce- ja guollebivddu ordnen.
  19. Luonddus ožžojuvvon buresbirgejupme- ja dearvvašvuođaváikkuhusaid lasiheapmi.
  20. Ehtalaš prinsihpaid bajásdoallan ja čuovvun.
  21. Doaimma čađačuovgivuohta ja rabas gulahallan.
  22. Biegga- ja eará buhtes energiija buvttadanvejolašvuođaid ovddideapmi.