Ovddasvástádus luonddu máŋggahámatvuođas

Meahciráđđehus dorvvasta luonddu máŋggahámatvuođa stáhta eana- ja čáhceguovlluin. Guorahallat stáhta eatnamiid oppalašvuohtan, mas luonddusuodjalanguovllut ovttas lotnolasgeavahanvuvddiid ekologalaš deháleamos luonddučuozáhagaiguin dahket oppa riikka gokčevaš ekologalaš fierpmádaga. Fierpmádaga čuozáhagat leat šlájaid ja eanadagaid dáfus eallindehálaččat riikamet luonddu máŋggahámatvuođa seailluheamis.

Dorvvastat máŋggahámatvuođa ollislaččat

Dikšut eanemus áittavullosaš luonddutiippaid suodjalanguovlluid

Suodjalanguovlluid luonddudikšundoaimmat čuhcet áittavullosaččamus luonddutiippaide ja eallinbirrasiidda, dego mátta jeaggetiippaide, goardda- ja riddoeallinbirrasiidda ja árbebiotohpaide.

Dorvvastat luonddučuozáhagaid ja lasihat aktiivvalaččat mieskamuora lotnolasgeavahanvuvddiin

Lotnolasgeavahanvuvddiin eanemus váikkuhan doaimmat máŋggahámatvuođa dorvvasteapmin lea luonddučuozáhagaid seastin ja mieskamuora lasiheapmi.

Buoridat mearra- ja sisčáziid dili

Čáhceguovlluid suodjaleami ja geavaheami mihttomearit leat dávjá máŋggabealagat ja ollašuhttit čáziidsuodjaleami máŋggain fidnuin, main doaibmabijuide gullet konkrehtalaš ordnenbarggut ja maiddái rávven ja bearráigeahčču.

Suodjalat eanemus áittavullosaš šlájaid

Vástidat áittavullosaš šlájaid suodjaleamis stáhta guovlluin. Riikkaviidosaččat min ovddasvástádusa vuolde leat njiččehasain saimaagahtte ja njálla sihke lottiin goaskin, bárbmofálli, rievssatfálli ja jievjačielčáihni. Mearragoaskima ja giljobačča čuovvumis vástidat muhtun oasis Suomas.

Ordnet guollečáziid ja meahcivalji eallinbirrasiid

Dorvvastat lunddolaš guollenáliid seailluheami ja nanosmuvvama. Váldit vuhtii fuođđošlájaid eallinbirasgáibádusaid min doaimmas ovdamearkan dikšumin ovddežiin mehciid ja hukset rabasčáhcelávttasbáikkiid.

Ovddidat suodjalanguovlluid fierpmádaga

Ovttastat suodjalanguovlluid fierpmádagaiguin ja ekologalaš manahagaiguin, mat veahkehit šlájaid seailut ja sirdašuvvat dorvui ovdamearkan dálkkádatrievdama áittedettiin.

Min mihttomearrin lea bissovaš buorideapmi