Meahciráđđehus ja Valo Investments Group Holding Oy (maŋŋelis Valo) leat dahkan gávppi Suoločielggi vielteguovllus lean duktásajis. Gávpi lea oassi oppalašvuođas, mas Valo lea soahpan oastit Meahciráđđehusas 24 ja Anára gielddas 25 duktásaji čuovvovaš jagiid áigge. Valo osttii vuosttas duktásajiid Suoločielggis njukčamánus 2019.
– Mis leat gárvvásmuvvamin guokte málledálu dán giđa áigge. Dáid málledáluid ávkkástallat márkanastimis geasi badjel, ja dan botta guovllus joatkašuvvá huksen ealaskasat giđa, geasi ja čavčča áigge. Mihttomearrin lea oažžut sulaid 20 lustaviesu gárvvisin skábmamánu loahpa rádjai, go min dálveáigodat álgá, Valo Finland beaivválaš jođiheaddji Taru Lehtonen muitala.
Lustaviesut huksejuvvojit ruovtturiikka lameallahirssas ja skoađastuvvojit alladási luonddumateriálain. Buot lustaviesuin leat golbma oađđenlanja iežas basadanlanjaiguin ja sávdnelanjas lea buljardanálddis. Lustaviesuin leahkkasit fiinna oidnosat panorámalásaid čađa Urho Kekkonen álbmotmeahccái. Modeardna lustaviesut láigohuvvojit hollándalaš, alladási luopmovisttiid gaskkustan Dutchen bokte.
– Prošeakta lea váldon movttegit vuostá ja leat ožžon olu jearaldagaid mátkkiidordnejeaddjin ja njuolga mátkkálaččain. Lustaviesuid gávnnahit leat alla dásis ja orru leamen, ahte mii bastit geasuhit guvlui lasi kundariid máksinattáldagaiguin, Lehtonen illuda.
– Lea fiinnis, ahte Valo ovdamárkanastin lea lihkostuvvan positiivvalaččat ja investeremat Suoločielgái joatkašuvvet, Meahciráđđehusa lávvapláneninšenevra Tanja Hämäläinen dadjá. – Ođđa riikkaidgaskasaš doaibmi boahtin fárrui lasiha kundariid girjáivuođa ja dahká vejolažžan sihkkarit boahttevuođas maiddái ođđa bálvalusfálaldaga, Hämäläinen lasiha.
– Meahciráđđehus vásttolašvuođaprográmma mielde min mihttomearrin lea lasihit eanagottiid ealaskasvuođa ja ovddidit barggolašvuođa. Valo Supmii dahkan investeren lea heivvolaš ovddidit dán mihttomeari, Hämäläinen dadjá.
– Eandalii illudat das, ahte Valo ávkkástallá huksenmateriála ruovtturiikka muora ja eará luonddumateriálaid, Hämäläinen joatká. Alladási idjadanbáiki geasuha mátkkálaččaid ádjánit guovllus guhkit áigge, ja dalle mátkkošteapmi dálkkádatnoađuheapmi unnu, Hämäläinen dadjá. Mátkkálaččaid ádjáneami guhkideapmi lea okta Meahciráđđehusa dálkkádatprográmma mihttomeriin.
Lassidieđut:
Meahciráđđehus, lávvapláneninšenevra Tanja Hämäläinen, +358 40 186 9339, tanja.hamalainen@metsa.fi
Valo Investments Group Holding Oy, Beaivválaš jođiheaddji Taru Lehtonen, +358 44 985 1404, taru.lehtonen@valofinland.fi