Sáná ođđa tráhpat leat gárvát. Vári ala gorgŋojuvvo dál njoaiddut máđija mielde. Ovddeš báhcá áhtat čuđiid duháhiid gakcumiin šaddan gollamis. Vánddardeaddjiid sávvat gudnejahttit Sáná ođđa hearkkes luonddu ja johtit dušše ođđa máđija mielde.
Sáná ođđa máđija guhkkodat vári vuolde bajás lea lagabui vihtta kilomehtera. Váile beannot mehtera govda bálggis lea nanosmahtton čievrrain, tráhpat leat dahkkon geađgebielkkain ja čievrras. Bálgá ravddaide leat bidjan lavnnjiid, maid loggo eret vuođđobargguid oktavuođas. Ođđa máđidja linnjen geahpedii tráhpaid meari vuollel goalmmádassii ovddeža ektui.
Sáná máđidja gierdavašvuođa ja čáhcestivrema lihkostuvvama čuovvut dárkilit, ja máđidjii dahkat dárbbašettiin divvundoaimmaid. Dán čavčča dahkat vel smávva čorgendoaimmaid, ráhkadit geađgebeaŋkkaid ja cegget oahpistangalbbaid. Sáná máđija divvundoaimmaid lassin Sáná rođuidsuodjalanguovllu máđijas leat burgán eret mieskan rovvemuoraid. Boahttevaš jagiide báhcá ođđa Sáná ja Mallá luonddumeahci máđijaid oktasaš vuolggasaji oahpistemiid ja parkerenbáikki viiddideapmi. Sáná máđija gurrii leat plánen maiddái vuoiŋŋastanbáikki ja olgohivssega huksema.
Ealaskas almmolaš ságastallan ovddeš tráhpaid burgimis ja ođđa huksemis čujuhii, man dehálaš báiki Sáná lea báikkálaččaide ja eará guovllus boahtán vánddardeaddjiide. Ovddeža ektui álkit ođđa máđija ovddida sierra ahkejoavkkuid vánddardeami guovllus.
Lassidieđut:
Gieddeoaivámuš Antti Ohenoja, telefon 045 1131982, šleađgapoasta antti.ohenoja(at)metsa.fi
Álbmotmeahccehoavda Pekka Sulkava, telefon 0400 815 660, šleađgapoasta pekka.sulkava (at)metsa.fi