Govva: Jari Salonen
Govva: Jari Salonen

Meahciráđđehus

Meahciráđđehus lea stáhta fidnolágádus, mii buvttada luondduriggodatsuorggi bálvalusaid máŋggabealat áššehasgoddái riikkavuložiin gitta stuorrafitnodagaide. Geavahat, dikšut ja suodjalat stáhta eana- ja čáhceguovlluid suvdilit ja heivehat oktii earálágan oamasteaddji, čanusjoavkkuid ja áššehasaid vuordámušaid. Ná sihkkarastit, ahte buohkain – maiddái boahttevaš sohkabuolvvain – lea vejolašvuohta návddašit luonddus ja buktán árvvuš.

Ovddidat luonddu árvvu ja oktasaš opmodaga

Mihttomearrámet lea dorvvastit luonddu máŋggahámatvuođa, goahcat dálkkádatrievdama. Láhčit vejolašvuođaid suvdilis fitnodatdoibmii, lasihit eanagottiid eallinfámu ja ovddidit luonddus ožžojuvvon buresbirgejupmebálvalusaid ja máksit boađuid stáhtii.

Doaibmamet vuođđu lea vásttolašvuođas

Vásttolašvuohta lea oassi min juohkebeaivválaš barggus. Dat lea integrerejuvvon strategiijai sihke doaimma jođiheapmái, ollašuhttimii ja ovddideapmái. Viiddis vásttolašvuođaprográmmamet ásaha mihttomeriid vásttolašvuođa ollašuvvamii ja meroštallá doaibmabijuid daidda beassamii.

Doaibmat luonddu, olbmo ja servodaga buorrin

Doaibmat ovttas ja oktilaččat njealji vástoguovllus ávkkástaladettiin juohkehaš vástoguovllu áššedovdamuša ja čehppodaga.

Atnit árvvus ovttasbarggu ja guoibmevuođa

Stáhta eatnamiid ja čáziid ávkkástallan gáibida guoibmevuođa ja ovttas doaibmama. Meahciráđđehusas ovttasbargohámit molsašuddet ovttas dahkamis dieđuid lonohallamii, gávppašeapmái, bagadallamii ja vuorrováikkuhussii.