Duogáš

Suopma lea EU biodiversiteahttastrategiijas čatnasan suodjalit boares ja luondduviđá vuvddiid. Stáhta eatnamiid oasil Meahciráđđehusas lea ovddasvástádus namuhuvvon vuvddiid inventeremis. 

Boares ja luondduviđá vuvddiid kritearaid ja daid heiveheami dárbbašlaš rávvagiid addima válmmastuvvama mielde Meahciráđđehus inventere kritearaid mieldásaš stáhta vuvddiid. Stáhta eatnamiin dát bargojuvvo čađačuovgi vuogi mielde dieđu vuođul, mii lea anus.   

Meahciráđđehus lea dahkan ovdal máŋggaid sierralágán stáhta vuvddiid inventeremiid (ovdamearkka dihte METSO-prográmma ja Natura-guovllut). Dasa lassin luonddučuozáhagaid identifiseren, mii vuođđuduvvá Vuovdedoalu birasofelačča rávvagiidda, bargojuvvo vuvddiid geavahusa plánema oassin. Čuozáhagat ráddjejuvvojit geavahusa olggobeallái ovdamearkka dihte guovloekologalaš fierpmádaga oassin.

Boares ja luondduviđá vuvddiid inventeren 2024–2025 -prošeakta, mii dál dahkkojuvvo, lea mihttoluohkás mielde mihá ovddit inventeremiid stuorit, eandalit go váldojuvvo vuhtii ahte dat dahkkojuvvo dušše guovtti meahccebaji áigge.

Mii barggus bargojuvvo?  

• Inventerema ulbmilin lea identifiseret ja suodjalit EU-komišuvnna meroštallama sihke álbmotlaš kritearaid mielde boares ja luondduviđá vuovddit.
• Maiddái inventerenbarggu olis identifiserejuvvon Meahciráđđehus Vuovdedoallu Os birasofelačča luonddučuozáhatkritearaid deavdi čuozáhagat sirdojuvvojit doaimma olggobeallái máŋggageavahusvuvddiid guovloekologalaš fierpmádaga oassin.
• Kriteraid gáibidan inventeren dahkkojuvvo meahccebargun guovtti meahccebaji (2024–2025) áigge.
• Loga loasi inventerenbarggus geavadis.

Gii inventeremiid bargá?  

• Bargui bálkáhuvvojit Meahciráđđehusa prošektii oassálasti iežas áššedovdiid lassin sulaid 50 olggobeale inventerejeaddji. Rekryteremat dahkkojuvvojit 2024 giđa.
• Meahciráđđehus Vuovdedoallu Os: s lea ovddasvástádus inventerema goluin.
• Barggus adnojuvvojit ávkin buot Meahciráđđehusa áššedovdiid máhttu.  

Mat dieđuid adnojuvvojit ávkin?  

• Inventerenvuloš čuozáhagaid identifiseremis geavahuvvojit Meahciráđđehusa iežas diehtogálduid lassin sierra čanusjoavkkuid ja eaktodáhtolaš luonddugártejeddjiid doaimmahan dieđut, main leat ožžojuvvon gártaráddjemat.

Gii mearrida suodjalanvuloš čuozáhagaid vuođđudeamis?  

• Inventeremiid bohtosiid vuođul Meahciráđđehusa stivra dahká stáhtaráđđái ovdanbuktojumi luonddusuodjalanlágain čavgadit suodjalanvuloš guovlluin (ja daid sirdimis luonddusuodjalangeavahussii, ii buvttadusgáibádusa vuollásaš opmodahkii).

Prošeavtta ovdáneapmi

• 1–4/2024: Inventerema plánen
• 2–4/2024: Invenventerejeddjiid rekryteren
• 5–11/2024: 1. meahccebaji inventeremat ja bohtosiid furken
• 12/2024–4/2025: Bohtosiid furken ja 2. meahccebaji pláname
• 5–11/2025: 2. meahccebaji inventeremat ja bohtosiid furken
• Bohtosiid gieđahallan
• Inventerema raporteren
• Olgguldas árvvoštallan

Dieđáhusat (suomagillii)

• 21.2.2024: Meahciráđđehus bálkáha logiid mielde olbmuid boares ja luondduviđá vuvddiid inventeremii
• 2.5.2023: Boares vuvddiid suodjaleapmi: Meahciráđđehus čatnasa čađačuovgi prosessii

Lassidiehtu inventeremis

Niklas Björkqvist
t. 040 732 4463
vuovderiggodat- ja plánenhoavda
Meahciráđđehus Vuovdedoallu Os

Kommunikašuvnna kontáktaolmmoš:
Päivi Lazarov
t. 040 821 8292
kommunikašuvdnahoavda
Meahciráđđehus Vuovdedoallu Os