Inventerenbarggu geavada plána lea bárisin gárvvistuvvome. Dat dárkkálnuvvá earenoamážit dan maŋŋel, go inventerenkritearat ja daid heiveheami ráva lea gárvánan. Bárgu lea válmmastallon nu guhkás go vejolaš juo ovddalgihtii, vai bargu beassá álggahuvvot dalán go meahccebadji 2024 álgá.

• Kritearaid gáibidan inventeren dahkkojuvvo gieddebargun guovtti meahccebaji (2024–2025) áigge. Bargui bálkáhuvvojit Meahciráđđehusa prošektii oassálasti iežas áššedovdiid lassin sulaid 50 olggobeale inventerejeaddji.
• Inventerenvuloš čuozáhagaid identifiseremis adnojuvvojit ávkin almmolaš ja Meahciráđđehusa iežas diehtogálduid lassin sierra čanusjoavkkuid ja eaktodáhtolaš luonddugártejeddjiid doaimmahan dieđut, main leat ožžojuvvon gártaráddjemat.
• Inventerenbarggu vuođđun lea vuvddiid sierralágán ráhkadusiešvugiid mihtideapmi ja árvvoštallan. Guovddáš kritearat leat ee. muoraid ahki ja mieskamuoraid mearri.
• Bohtosat almmustuhttojuvvojit inventeremiid gárváneami maŋŋel. Barggu árvvoštallá olggobeal bealli.
• Inventeremiid bohtosiid vuođul Meahciráđđehusa stivra dahká stáhtaráđđái ovdanbuktojumi luonddusuodjalanlágain čavgadit suodjalanvuloš guovlluin (ja daid sirdimis opmodahkii, mii lea luonddusuodjalangeavahusas, ja mii ii leat buvttadusgáibádusa vuollásaš opmodat). 
• Meahciráđđehus Vuovdedoallu Os:s lea ovddasvástádus inventerema goluin.
• Inventeremiin ožžojuvvo maid divrras diehtu dievasmahttit stáhta vuvddiid báikediehtomateriála, mii geavahuvvo earret eará vuvddiid dikšuma ja geavahusa plánemis.